ଜାହ୍ନବୀଙ୍କ ଖୁଲାସା: ଭଲ ଅଭିନେତ୍ରୀ ହେବା ପାଇଁ ମୋତେ ଏହି ସବୁ ଜିନିଷ ଶିଖାଇଥିଲେ ମା’
ମୁମ୍ବାଇ : ବଲିଉଡ୍ ଅଭିନେତ୍ରୀ ଜାହ୍ନବୀ କପୁର ମାମି ଫିଲ୍ମ ଫେଷ୍ଟିଭାଲରେ ପହଞ୍ଚିଥିବା ବେଳେ ନିଜ ମା’ଙ୍କୁ ନେଇ ଅନେକ ଖୁଲାସା କରିଥିଲେ । ହିନ୍ଦି ସିନେମା ଓ ଜଣେ ଭଲ ଅଭିନେତ୍ରୀ ହେବା ପାଇଁ କେଉଁ ସବୁ ଗୁଣ ରହିବା ଦରକାର ସେ ବିଷୟରେ ଜାହ୍ନବୀ ଆଲୋଚନା କରିଥିଲେ । ବଲିଉଡ୍ରେ କ୍ୟାରିୟର ଆରମ୍ଭ କରିବା ପୂର୍ବରୁ ତାଙ୍କ ମା’ ତଥା ବଲିଉଡ୍ର ପ୍ରଥମ ମହିଳା ସୁପରଷ୍ଟାର ଶ୍ରୀଦେବୀ ତାଙ୍କୁ କ’ଣ କ’ଣ ସବୁ ଶିଖାଇଥିଲେ ସେ ବିଷୟରେ କହିଥିଲେ ଜାହ୍ନବୀ ।
Sambad is now on WhatsApp
Join and get latest news updates delivered to you via WhatsApp
ଜାହ୍ନବୀଙ୍କ କହିବା ଅନୁଯାୟୀ, ମା’ ମୋତେ ସବୁବେଳେ ଭଲ କଳାକାର ହେବା ପାଇଁ କେଉଁ ସବୁ ଗୁଣ ରହିବା ଦରକାର ତାହା ଶିଖାଉଥିଲେ । ସେ କହୁଥିଲେ କି, ତୁମେ ଯାହା ବି ଭାବୁଛ ଓ ତୁମ ମନରେ ଯାହା ବି ଚାଲୁଛି, ତାହା ତୁମ ଚେହେରାରେ ସ୍ପଷ୍ଟ ଜଣା ପଡ଼ି ଯାଇଥାଏ । ସେଥିପାଇଁ ଜଣେ ଭଲ କଳାକାର ହେବା ପାଇଁ ପ୍ରଥମେ ଭଲ ମଣିଷ ହେବା ଦରକାର । କାରଣ କ୍ୟାମେରା ସବୁ ଦେଖିଥାଏ ।