ଅନୁପମ ପଟ୍ଟନାୟକଙ୍କ ନିର୍ଦ୍ଦେଶିତ ‘କର୍ମ’ରେ ଡେବ୍ୟୁ କରିଥିବା ମନ୍ମୟଙ୍କୁ ଦର୍ଶକ ଖୁବ୍ ଶୀଘ୍ର ନୂଆ ଓଡ଼ିଆ ଛବି ‘କେସ୍ ୧୮’ରେ ଭେଟିବାକୁ ଯାଉଛନ୍ତି। ଏଥିରେ ଜଣେ ଅଟୋ ଚାଳକ ଭୂମିକାରେ ସେ ଅଭିନୟ କରିଛନ୍ତି। ଆଉ ତାଙ୍କ ଅଭିନୀତ ଚରିତ୍ରର ନାଆଁ ରହିଛି ଯୋଗେଶ। କାହାଣୀ ଅନୁଯାୟୀ, ଯୋଗେଶ ପ୍ରତିଦିନ ବାର୍ ଡ୍ୟାନ୍ସର୍‌ ମିଲିଙ୍କୁ ନିର୍ଦ୍ଦିଷ୍ଟ ହୋଟେଲକୁ ‌େନବାଆଣିବା କରନ୍ତି। ଏହି ସମୟ ଭିତରେ ଉଭୟଙ୍କର ପରସ୍ପର ପ୍ରତି ଭଲପାଇବା ଆସିଛି। କିନ୍ତୁ ଘଟଣାଚକ୍ରରେ ଯୋଗେଶ ବାଧ୍ୟ ହୋଇ ମିଲିଙ୍କ ସାଥ୍ ଛାଡ଼ିଦିଅନ୍ତି। କିନ୍ତୁ ସେ କାହିଁକି ଏପରି କରନ୍ତି ଏବଂ ଏହାପରେ କ’ଣ ସବୁ ଘଟେ, ତାହା ସିନେମାର ମୁଖ୍ୟ ପ୍ରସଙ୍ଗ। ନିଜ ଚରିତ୍ର ସଂପର୍କରେ ମନ୍ମୟ କହନ୍ତି, ‘‘ଅନୁପମ୍‌ଙ୍କ ‘କର୍ମ’ରେ ଭୂମିକା ମୋର ଭିନ୍ନ ଥିଲା। ‘କେସ୍ ୧୮’ରେ ମୋତେ ଏକ ଚ୍ୟାଲେଞ୍ଜିଂ ରୋଲ୍‌ ମିଳିଛି। ଏହାକୁ ଶତପ୍ରତିଶତ ନ୍ୟାୟ ଦେବାକୁ ଚେଷ୍ଟା କରିଛି।’’

Advertisment

‘କର୍ମ’ରେ ଜଣାଶୁଣା ନାୟିକା ଦିବ୍ୟାଦିଶାଙ୍କ ବିପକ୍ଷରେ ନଜର ଆସିଥିଲେ ମନ୍ମୟ। ହେଲେ ‘କେସ୍ ୧୮’ରେ ତାଙ୍କ ନାୟିକା ବନିଛନ୍ତି ହିମାଗ୍ନି। ଏହି ଛବିରେ ଅନ୍ୟମାନଙ୍କ ମଧ୍ୟରେ ଅମ୍ଳାନ, ଅନନ୍ୟା, ପାର୍ଥସାରଥୀ, ହରି ଓ ଅନ୍ୟମାନେ ପ୍ରମୁଖ ମୁଖ୍ୟ ଭୂମିକାରେ ଅଛନ୍ତି। ଅନିକେତ ଦାସ ଓ ସଂଘମିତ୍ରା ମହାନ୍ତି ପ୍ରଯୋଜିତ ଏହି ଚଳଚ୍ଚିତ୍ରର ନିର୍ଦ୍ଦେଶକ ରାଜେନ୍ଦ୍ର ମହାନ୍ତ।