ଏହି ଫିଲ୍ମ ଜରିଆରେ ଅକ୍ଷୟ କୁମାରଙ୍କ ସହ ବଲିଉଡ୍ରେ ଡେବ୍ୟୁ କରିବେ ମାନୁଷୀ ଚିଲର୍
ମୁମ୍ବାଇ : ମିସ୍ ଇଣ୍ଡିଆ-୨୦୧୭ର ତାଜ୍ ଜିତିବା ପରେ ମାନୁଷୀ ଚିଲରଙ୍କ ବଲିଉଡ୍ରେ ପ୍ରବେଶକୁ ନେଇ ପୂର୍ବରୁ ଅନେକ ଚର୍ଚ୍ଚା ହୋଇ ସାରିଛି । ଅନେକ ଥର ମାନୁଷୀ ମଧ୍ୟ ବଲିଉଡ୍ ଅଭିନେତା ଆମୀର ଖାନ୍ଙ୍କ ସହ ଅଭିନୟ କରିବରେ ଇଚ୍ଛା ଜାହିର କରି ସାରିଛନ୍ତି । କିନ୍ତୁ ଏବେ ମିଳିଥିବା ସୂଚନା ମୁତାବକ, ଆମୀର ଖାନ୍ ନୁହନ୍ତି ବରଂ ଖିଲାଡୀ ଅକ୍ଷୟ କୁମାରଙ୍କ ସହ ବଲିଉଡ୍ରେ ଡେବ୍ୟୁ କରିବାକୁ ଯାଉଛନ୍ତି ମାନୁଷୀ । ଦୁହେଁ ପୃଥ୍ଵୀରାଜ ଚୌହାନଙ୍କ ବାୟୋପିକ୍ରେ ସ୍କ୍ରିନ୍ ସେୟାର କରିବେ ବୋଲି ଚର୍ଚ୍ଚା ଆରମ୍ଭ ହୋଇ ଯାଇଛି । ଏହି ଫିଲ୍ମର ପ୍ରଯୋଜନା ଦାୟିତ୍ୱରେ ୟଶରାଜ ଫିଲ୍ମସ୍ ଥିବା ବେଳେ ଫିଲ୍ମର ନିର୍ଦ୍ଦେଶନା ଦେବେ ଚନ୍ଦ୍ରପ୍ରକାଶ ଦ୍ୱିବେଦୀ । ଫିଲ୍ମରେ ସଂଯୁକ୍ତା ଚରିତ୍ରରେ ମାନୁଷୀ ନଜର ଆସିବେ ବୋଲି ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
କିଛି ଦିନ ତଳେ ମାନୁଷୀ ଅଭିନେତା ରଣବୀର ସିଂହ ଏବଂ ଫରହାନ୍ ଅଖ୍ତରଙ୍କ ସହ ଫିଲ୍ମ କରି ବଲିଉଡ୍ରେ ଡେବ୍ୟୁ କରିବେ ବୋଲି ଚର୍ଚ୍ଚା ହୋଇଥିଲା । କିନ୍ତୁ ପରେ ଖବରଟି କେବଳ ଏକ ଗୁଜବ ବୋଲି ପ୍ରମାଣ ହୋଇଥିଲା ।