ଏହି ହିରୋଙ୍କ ସହ କାମ କରିବାକୁ ଚାହାଁନ୍ତି ମାନୁଷୀ ଚିଲ୍ଲର୍‌

ବଲିଉଡର ମିଷ୍ଟର ପରଫେକସନିଷ୍ଟ୍‍ ଅମୀର ଖାନ୍‌ଙ୍କ ସହିତ କିଏ ବା କାମ କରିବାକୁ ନ ଚାହେଁ ! ଏବେ ଏହି ତାଲିକାରେ ଯୋଡି ହୋଇଛି ଏକ ନୂଆ ନାମ। ସେ ହେଲେ ୨୦୧୭ର ମିସ୍‌ ଓ୍ଵାର୍ଲଡ୍‌ ମାନୁଷୀ ଚିଲ୍ଲର୍‌। ହଁ ସେ କହିଛନ୍ତି ଯେ ଯଦି ତାଙ୍କୁ ବଲିଉଡରେ କ୍ୟାରିଅର ଲାଗି ସୁଯୋଗ ମିଳେ ତେବେ ସେ ପ୍ରଥମେ ଅମୀର ଖାନଙ୍କ ସହ କାମ କରିବାକୁ ଚାହିଁବେ। କାରଣ ତାଙ୍କ ସିନେମାରେ କିଛି ସାମାଜିକ ସନ୍ଦେଶ ଥାଏ। ତା’ଛଡ଼ା ମାନୁଷୀ ପ୍ରଥମେ ନିଜର ଶିକ୍ଷା ଶେଷ କରିବାର ଲକ୍ଷ୍ୟ ରଖିଛନ୍ତି। ସେ ଜଣେ ମେଡିକାଲ ଛାତ୍ରୀ ।

ଏଠାରେ ସୂଚନାଯୋଗ୍ୟ ଯେ ପୂର୍ବରୁ ଐଶ୍ୱର୍ଯ୍ୟା ରାୟ,ପ୍ରିୟଙ୍କା ଚୋପ୍ରା ଏବଂ ୟୁକ୍ତା ମୁଖୀଙ୍କ ପରି ଭାରତୀୟ ଯୁବତୀ ମିସ୍‌ ଓ୍ଵାର୍ଲଡ୍‌ ଟାଇଟଲ ହାସଲ କରିଥିଲେ ଏବଂ ପରେ ବଲିଉଡରେ ଏଣ୍ଟ୍ରି ନେଇଥିଲେ।