କଙ୍ଗନା ଓ ରାଜ କୁମାରଙ୍କ ଭୟାନକ କାରାନାମା!

0

ମୁମ୍ବାଇ:‘ମଣିକର୍ଣ୍ଣିକା’ର ସଫଳତା ପରେ ଏବେ ବଲିଉଡର ଲୋକପ୍ରିୟ ନାୟିକା କଙ୍ଗନା ରାନାଓ୍ଵତଙ୍କର ଆଉ ଏକ ଫିଲ୍ମ ରିଲିଜ୍‌ ହେବାକୁ ପ୍ରସ୍ତୁତ। ଏହି ଫିଲ୍ମ ହେଲା ‘ମେଣ୍ଟାଲ୍‌ ହେ କ୍ୟା’ଏଥିରେ କଙ୍ଗନାଙ୍କ ସହ ଜଣାଶୁଣା ଅଭିନେତା ରାଜ କୁମାର ରାଓ ଅଛନ୍ତି ମୁଖ୍ୟ ଭୂମିକାରେ। ଏହି ଫିଲ୍ମର ରିଲିଜ୍‌ ତାରିଖ ମଧ୍ୟ ଘୋଷିତ ହୋଇଛି। ଏ ସଂପର୍କରେ ନିଜର ଫ୍ୟାନ୍‌ମାନଙ୍କୁ ଜଣାଇବା ଉଦ୍ଦେଶ୍ୟରେ ପ୍ରଯୋଜନା ସଂସ୍ଥା ପକ୍ଷରୁ ଏକ ନୂଆ ମୋସନ୍‌ ପୋଷ୍ଟର ଜାରି କରାଯାଉଛି। ଏଥିରେ ନାୟକ ରାଜ କୁମାର ରାଓ ଏବଂ ନାୟିକା କଙ୍ଗନା ରାନାଓ୍ଵତଙ୍କୁ ଭୟାନକ ଶୈଳୀରେ ଦେଖିବାକୁ ମିଳିଛି।

ଏହି ସିନେମାର ପୋଷ୍ଟରରେ ରାଜ କୁମାର ରାଓ ଏବଂ କଙ୍ଗନା ରାନାଓ୍ଵତ୍‌ କେତେବେଳେ ନିଆଁରେ ଖେଳୁଥିବାର ତ ପୁଣି କେତେବେଳେ ବ୍ଲେଡ୍‌କୁ ନିଜ ଜିଭରେ ରଖିଥିବା ମିଳିଛି। ବାଲାଜୀ ମୋସନ ପିକଚର୍ସ ବ୍ୟାନରରେ ନିର୍ମିତ ‘ମେଣ୍ଟାଲ୍‌ ହେ କ୍ୟା’ର ନିର୍ଦ୍ଦେଶକ ହେଲେ ପ୍ରକାଶ କୋବେଲାଯୁଦୀ।ଏହା ଆଗାମୀ ଜୁନ୍‌ ୨୧ ତାରିଖରେ ରିଲିଜ୍‌ ହେବ ବୋଲି ଜଣାଯାଇଛି।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Leave A Reply

Your email address will not be published.