ଏହି ଅଭିନେତ୍ରୀଙ୍କୁ ବିବାହ କରିବାକୁ ଚାହୁଁଥିଲେ କଣ୍ଠଶିଳ୍ପୀ ମିକା, କିନ୍ତୁ ପରେ…..
ମୁମ୍ବାଇ : ନିଜର ଗୀତ ପାଇଁ ସବୁ ବେଳେ ଚର୍ଚ୍ଚାରେ ରହିଥାନ୍ତି କଣ୍ଠଶିଳ୍ପୀ ମିକା ସିଂହ । ସେ ଉଭୟ ପଞ୍ଜାବୀ ଏବଂ ହିନ୍ଦୀ ଭାଷାରେ ଗୀତ ଗାଇ ଲୋକପ୍ରିୟ ହୋଇ ସାରିଥିଲେ ମଧ୍ୟ ଏ ପର୍ଯ୍ୟନ୍ତ ସେ ବିବାହ କରି ପାରି ନାହାନ୍ତି । କିଛି ଦିନ ତଳେ ସେ ଖୁବ୍ ଶୀଘ୍ର ବିବାହ କରିବେ ବୋଲି ଘୋଷଣା କରିଥିଲେ । ଏବଂ କାହାକୁ ବିବାହ କରିବାକୁ ଚାହାଁନ୍ତି ତାହା ମଧ୍ୟ ଜଣାଇଥିଲେ । କିନ୍ତୂୁ ପରେ ତାଙ୍କର ସବୁ ଆଶା ଆଶାରେ ରହି ଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଏକ ସାକ୍ଷାତକାରରେ ତାଙ୍କୁ ବିବାହ କଥା ପଚରାଯିବା ପରେ ମୁଁ ଖୁବ୍ ଶୀଘ୍ର ବିବାହ କରିବି ବୋଲି କହିଥିଲେ ମିକା । ଏହା ସହ କାହାକୁ ବିବାହ କରିବାକୁ ଯାଉଛନ୍ତି ବୋଲି ପଚରାଯିବା ପରେ ସେ ଅଭିନେତ୍ରୀ ଉର୍ବଶୀ ରୌତେଲାଙ୍କୁ ବିବାହ କରିବାକୁ ଚାହାନ୍ତି ବୋଲି କହିଥିଲେ । କିନ୍ତୁ ଏ ନେଇ ଉର୍ବଶୀଙ୍କ ପଚରାଯିବା ପରେ ସେ ଏବେ ବିବାହ କରିବାକୁ ଚାହୁଁ ନଥିବା କହିଥିଲେ । ତାଙ୍କ ଭାଇ-ଭଉଣୀମାନେ ବିବାହ କରି ସାରିବା ପରେ ସେ ବିବାହ କରିବେ ବୋଲି କହିବା ସହ ଏବେ ମୁଁ ମୋ କ୍ୟାରିୟରକୁ ନେଇ ବ୍ୟସ୍ତ ବୋଲି କହିଥିଲେ ଉର୍ବଶୀ । ଏହା ପରେ ପରେ ଉର୍ବଶୀ ଏବଂ ମିକାଙ୍କୁ ନେଇ ହେଉଥିବା ଚର୍ଚ୍ଚା ଧିରେ ଧିରେ ଥମି ଯାଇଥିଲା ।