ଉଭୟ ଓଲିଉଡ୍ ଓ ବଲିଉଡ୍ରେ ସକ୍ରିୟ ଅଭିନେତ୍ରୀଙ୍କ ମଧ୍ୟରୁ କାବ୍ୟା କିରଣ ବେଶ ଆଗରେ। ଓଡ଼ିଆ ଫିଲ୍ମ ‘କାଉଁରୀ କନ୍ୟା’ରୁ ଅଭିନୟ ଜୀବନ ଆରମ୍ଭ କରିଥିବା କାବ୍ୟାଙ୍କ ଶେଷ ଫିଲ୍ମ ଥିଲା ‘ରହସ୍ୟ।’ ଏହା ବ୍ୟତୀତ ଆଉ ଦୁଇଟି ଓଡ଼ିଆ ଫିଲ୍ମ ‘ଖୁସି’ ଓ ‘ପ୍ରେମ ହୁଏ ଚୋରି ଚୋରି’; ମୁକ୍ତିଲାଭ ଅପେକ୍ଷାରେ। ଏବେ ଆଉ ଗୋଟିଏ ନୂଆ ଓଡ଼ିଆ ଫିଲ୍ମ ‘ରଘୁ ସର୍ଦାର’ରେ ତାଙ୍କୁ ଅନ୍ୟତମ ନାୟିକା ଭୂମିକା ମିଳିଛି। ଫିଲ୍ମର ସୁଟି˚ ଆରମ୍ଭ ହେବା ଉପରେ। ଜାତୀୟ ଖ୍ୟାତିସମ୍ପନ୍ନ ‘ପ୍ରିନ୍ସ ଡ୍ୟାନ୍ସ ଗ୍ରୁପ୍’ର ମୁଖ୍ୟ ନୃତ୍ୟଶିଳ୍ପୀ କ୍ରିଷ୍ଣାଙ୍କ ଦ୍ବାରା ନିର୍ମିତ ହେବାକୁ ଯାଉଥିବା ଆଉ ଗୋଟିଏ ଓଡ଼ିଆ ଫିଲ୍ମ ପାଇଁ କାବ୍ୟାଙ୍କୁ ମଧ୍ୟ ଅଭିିନୟ ସୁଯୋଗ ମିଳିଥିବା ପ୍ରକାଶ।
Sambad is now on WhatsApp
Join and get latest news updates delivered to you via WhatsApp
କାବ୍ୟା ଜଣେ ଅଣଓଡ଼ିଆ ମଡେଲ୍-ଅଭିନେତ୍ରୀ। ସ୍କୁଲ୍ ପଢ଼ା ସମୟରୁ ଏକାଧିକ ଷ୍ଟେଜ୍ ଶୋ’ରେ ଭାଗ ନେଇଥିଲେ। କ୍ରମେ ନୃତ୍ୟ-ଅଭିନୟ ଦୁନିଆ ପ୍ରତି ତାଙ୍କର ମୋହ ବଢ଼ିଥିଲା। ମୁମ୍ବଈ ଚାଲିଯାଇ ଭାଗ୍ୟ ପରୀକ୍ଷା କରି ସଫଳ ହୋଇଥିଲେ। ‘ର˚ଗ-ଈ-ଇସ୍କ୍’ ଓ ‘ରାମ ରତନ’ କାବ୍ୟାଙ୍କ ଅଭିନୀତ ହିନ୍ଦୀ ଫିଲ୍ମ। ଟି ସିରିଜ୍ ଓ ଟାଇମ୍ସ ଗ୍ରୁପ୍ର ମିଳିତ ସହଯୋଗରେ ପ୍ରସ୍ତୁତ ହେଉଥିବା ମ୍ୟୁଜିକାଲ୍ ଭିଡିଓରେ ମଧ୍ୟ କାବ୍ୟା ଅଭିନୟ ପାଇଁ ସୁଯୋଗ ପାଇଛନ୍ତି।