୧୦ ବର୍ଷ ଭିତରେ ପ୍ରଥମ ଥର ଲାଗି ବର୍ଷର ଶେଷ ୨ ମାସରେ ରିଲିଜ୍ ୫ଟି ବଡ଼ ସିନେମା, ୧୦୦୦ କୋଟି ଟଙ୍କା ବ୍ୟବସାୟର ଦାବି
ଭାରତୀୟ ସିନେମାପାଇଁ ଆସନ୍ତା ୨ ମାସ ହେଉଛି ବେଶ୍ ମହତ୍ତ୍ୱପୂର୍ଣ୍ଣ। ଏହି ୨ ମାସ ଭିତରେ ରିଲିଜ୍ ହେବ ୫ଟି ବଡ଼ ସିନେମା । ବିଗତ ୧୦ ବର୍ଷ ମଧ୍ୟରେ ପ୍ରଥମ ଥର ପାଇଁ ବର୍ଷର ଅନ୍ତିମ ପର୍ଯ୍ୟାୟରେ ପରଦାକୁ ଆସୁଛି ୫ଟି ମେଗା ମୁଭି।
ସବୁଠୁ ଅଧିକ ବ୍ୟବସାୟ କରିବ
ସିନେ ବିଶେଷଜ୍ଞଙ୍କ କହିବା ଅନୁସାରେ ବିଗତ ୧୦ ବର୍ଷ ମଧ୍ୟରେ ଏହି ୨ ମାସ ଭିତରେ ସବୁଠୁ ଅଧିକ ବ୍ୟବସାୟ ହୋଇ ପାରେ। ରିଲିଜ୍ ଅପେକ୍ଷାରେ ଥିବା ଏହି ୫ ଚଳଚ୍ଚିତ୍ରର ବିଷୟବସ୍ତୁ ଭଲ ହୋଇଥିବାରୁ ଦର୍ଶକଙ୍କୁ ଏହା ଭଲ ଲାଗିପାରେ। ଠଗ୍ସ୍ ଅଫ୍ ହିନ୍ଦୁସ୍ତାନ ପ୍ରଥମ ଦିନରେ ହିଁ ୫୦ କୋଟି ଟଙ୍କାର ବ୍ୟବସାୟ କରିବ ବୋଲି ଆଶା କରାଯାଉଛି।
ଗତ ୧୦ ବର୍ଷ ମଧ୍ୟରେ ବର୍ଷର ଶେଷ ୩ ମାସ ଭିତରେ ରିଲିଜ୍ ହୋଇଥିବା ସିନେମା
ବର୍ଷ ସିନେମା ରୋଜଗାର (କୋଟିରେ)
୨୦୦୮ ଗଜନୀ ୨୩୨
୨୦୦୯ ଥ୍ରି ଇଡିଅଟ୍ସ ୪୬୦
୨୦୧୦ ରୋବଟ୍ ୧୬୦
୨୦୧୧ ଡନ୍-୨ ୨୦୯
୨୦୧୨ ଦବଙ୍ଗ୍-୨ ୨୦୨
୨୦୧୩ ଧୁମ୍-୩ ୫୮୯
୨୦୧୪ ପିକେ ୪୬୦
୨୦୧୫ ପ୍ରେମ୍ ରତନ୍ ଧନ୍ ପାୟୋ ୪୩୨
୨୦୧୬ ଦଙ୍ଗଲ୍ ୨୧୬୦
୨୦୧୭ ସିକ୍ରେଟ୍ ସୁପର୍ଷ୍ଟାର୍ ୯୭୭
ଶେଷ କେତୋଟି ସିନେମାରେ ସମସ୍ତଙ୍କଠୁ ଅଧିକ ରୋଜଗାର କରିଥିବା ଷ୍ଟାର ହେଉଛନ୍ତି ଅମିର୍ ଖାନ୍। ଅମିର୍ ଗଜନୀ, ଥ୍ରି ଇଡିଅଟ୍ସ, ପିକେ ଓ ଦଙ୍ଗଲ ଭଳି ବଡ଼ ସିନେମା ଦର୍ଶକଙ୍କୁ ଦେଇଛନ୍ତି। ଏହି ସବୁ ସିନେମା ୩୨୦୦ କୋଟି ଟଙ୍କାରୁ ଅଧିକ ବ୍ୟବସାୟ କରିଛି।
ଏ ବର୍ଷର ଶେଷ ୨ ମାସରେ ରିଲିଜ୍ ହେବାକୁ ଥିବା ସିନେମା ଓ ତାର ବିଶେଷତ୍ୱ
ଠଗ୍ସ୍ ଅଫ୍ ହିନ୍ଦୁସ୍ତାନ୍
ଷ୍ଟାର୍ –ଅମିତାଭ ବଚ୍ଚନ, ଅମିର ଖାନ୍, କ୍ୟାଟ୍ରିନା କେଫ୍, ଫାତିମା ସନା
ରିଲିଜ୍ – ୮ ନଭେମ୍ବର, ୨୦୧୮
ବଜେଟ୍ – ୩୦୦ କୋଟି
ବିଶେଷତ୍ୱ – ପ୍ରଥମ ଥର ଅମିର୍ ଖାନ୍ ଓ ଅମିତାଭ ବଚ୍ଚନ ଏକ ସଙ୍ଗେ ଗୋଟିଏ ସିନେମାରେ ଆସୁଛନ୍ତି।
୨ ପଏଣ୍ଟ୍ ଜିରେ
ଷ୍ଟାର୍ – ରଜନିକାନ୍ତ, ଅକ୍ଷୟ କୁମାର, ୟାମି ଜ୍ୟାକ୍ସନ୍
ରିଲିଜ୍ – ୨୯ ନଭେମ୍ବର, ୨୦୧୮
ବଜେଟ୍ – ୪୦୦ କୋଟିରୁ ଊର୍ଦ୍ଧ୍ୱ
ବିଶେଷତ୍ୱ – ଅକ୍ଷୟ କୁମାର ନେଗେଟିଭ୍ ରୋଲ୍ରେ ଅଛନ୍ତି ଓ ରଜନୀକାନ୍ତଙ୍କ ଅଭିନୟ ଏବଂ ଏ.ଆର୍.ରହମାନ୍ଙ୍କ ମ୍ୟୁଜିକ୍ ହେଉଛି ଖାସ୍।
ଟୋଟାଲ୍ ଧମାଲ୍
ଷ୍ଟାର୍ – ଅଜୟ ଦେବଗନ, ଅନିଲ କପୁର, ମାଧୁରୀ ଦୀକ୍ଷିତ
ରିଲିଜ୍ – ୭ ଡିସେମ୍ବର, ୨୦୧୮
ବଜେଟ୍ – ୭୦ କୋଟି
ବିଶେଷତ୍ୱ – ଧମାଲ୍ ସିରିଜ୍ର ୨ଟି ଫିଲ୍ମ୍ ହିଟ୍ ହୋଇଛି ଓ ଦୀର୍ଘ ସମୟ ପରେ ଅନିଲ୍ କପୁର୍ ଓ ମାଧୁରୀ ଦୀକ୍ଷିତ ଏକ ସଙ୍ଗେ ଆସୁଛନ୍ତି।
ଜିରୋ
ଷ୍ଟାର୍ – ଶାହରୁଖ୍ ଖାନ୍, କ୍ୟାଟ୍ରିନା କେଫ୍, ଅନୁଷ୍କା ଶର୍ମା
ରିଲିଜ୍ – ୨୧ ଡିସେମ୍ବର, ୨୦୧୮
ବଜେଟ୍ – ୧୩୦ କୋଟି
ବିଶେଷତ୍ୱ – ଶାହରୁଖ ଖାନ୍ ବାମନ ଭୂମିକାରେ ଅଭିନୟ କରୁଛନ୍ତି।
ସିମ୍ବା
ଷ୍ଟାର୍ – ରଣବୀର କୁପର, ସାରା ଅଲ୍ଲୀ ଖାନ୍, ସୋନୁ ସୁଦ୍
ରିଲିଜ୍ – ୨୮ ଡିସେମ୍ବର, ୨୦୧୮
ବଜେଟ୍ – ୧୦୦ କୋଟି
ବିଶେଷତ୍ୱ – ଏହା ହେଉଛି ତେଲୁଗୁ ସିନେମା ଟେମ୍ପର୍ର ରିମେକ୍।
