ମୁମ୍ବାଇ: ବଲିଉଡ୍‌ର ଗର୍ଜିୟସ୍‌ ଦିବା ମଲାଇକା ଅରୋରା ଆଜିକାଲି ତାଙ୍କ ସୋ’ ‘ମୁଭିଂ ଇନ୍‌ ଉଇଥ୍‌ ମଲାଇକା’କୁ ନେଇ ବେଶ୍‌ ଚର୍ଚ୍ଚାରେ ରହିଛନ୍ତି। ନିକଟରେ ତାଙ୍କ ସୋ’ର ପ୍ରମୋ ଭିଡିଓ ଦେଖିବାକୁ ମିଳିଛି। ମଲାଇକା ତାଙ୍କର ଏହି ସୋ’ରେ ନିଜର କିଛି ବ୍ୟକ୍ତିଗତ କଥା ବି ସେୟାର କରିବାକୁ ଯାଉଛନ୍ତି। କେବଳ ମଲାଇକା ନୁହଁନ୍ତି, ବି-ଟାଉନ୍‌ର ଅନେକ ବଲିଉଡ୍‌ ତାରକାଙ୍କୁ ମଲାଇକାଙ୍କର ଏହି ସୋ’ରେ ସେମାନଙ୍କ ବ୍ୟକ୍ତିଗତ କଥା ସେୟାର କରିବାକୁ ଦେଖିବାକୁ ମିଳିବ।

Advertisment

ମଲାଇକାଙ୍କ ଏହି ସୋ’ରେ ସିନେ ନିର୍ଦ୍ଦେଶକ କରଣ ଜୋହର ଓ ନୃତ୍ୟଶିଳ୍ପୀ ତଥା ଅଭିନେତ୍ରୀ ନୋରା ଫତେହିଙ୍କୁ ବି ଦେଖିବାକୁ ମିଳିବ। ମାତ୍ର ପ୍ରୋମୋ ଭିଡିଓ‌ରୁ ଯାହା ଜଣାପଡୁଛି ନୋରାଙ୍କର ମଲାଇକାଙ୍କ ସହ ସେପରି କିଛି ଭଲ ଜମିଲା ନାହିଁ। ଏକଥା ଆମେ କହୁନାହୁଁ, ପ୍ରୋମୋ ଭିଡିଓ ଦେଖିବା ପରେ ଆପଣ ବି କହିବେ।

ପ୍ରୋମୋ ଭିଡିଓର ପ୍ରଥମ ଭାଗରେ ମଲାଇକାଙ୍କୁ କରଣଙ୍କ ସହ ଦେଖିବାକୁ ମିଳୁଛି। କରଣ ମଲାଇକାଙ୍କୁ ସବୁଥର ପରି ଏଥର ବି କିଛି ଚିଡ଼େଇବା ପରି ପ୍ରଶ୍ନ କରୁଥିବାର ଦେଖିବାକୁ ମିଳିଛି। କରଣ ମଲାଇକାଙ୍କୁ ପଚାରୁଛନ୍ତି କି ତମ ବଡି ପାର୍ଟ ବିଷୟରେ କେହି ପଚାରିଲେ ତୁମକୁ କେମିତି ଲାଗେ? ତାପରେ ବିବାହ କେବେ କରିବ ବୋଲି ବି କରଣ ପ୍ରଶ୍ନ କରୁଛନ୍ତି।

ଯାହାର ଉତ୍ତରରେ ମଲାଇକା କରଣଙ୍କୁ କିଛି ପ୍ରଶ୍ନ ନକରିବାକୁ କହୁଛନ୍ତି। ଯାହାର ସୋ’ ସେ ହିଁ ପ୍ରଶ୍ନ କରିବ ବୋଲି ମଲାଇକାଙ୍କ ମୁହଁରୁ ଶୁଣିବାକୁ ମିଳୁଛି। ତାପରେ ମଲାଇକାଙ୍କ ସହ ନଜର ଆସୁଛନ୍ତି କୋରିଓଗ୍ରାଫର୍‌ ଟେରେନ୍ସ ଓ ନୋରା ଫତେହି। ମଲାଇକା ନୋରାଙ୍କ ବିଷୟରେ କହୁଛନ୍ତି କି ‘ମୋ‌ତେ ଲାଗେ ନୋରା କେବେ ଗରମ ଓ କେବେ ଗରମ ସ୍ବଭାବର’। ଏପରି କଥାବାର୍ତ୍ତା ଭିତରେ ନୋରା ସେଠାରୁ ଉଠି ଚାଲି ଯାଉଛନ୍ତି। ଟରେନ୍ସ ତାଙ୍କ ପଛରେ ଯାଉଛନ୍ତି। ହେଲେ ଅଟକାଇବାକୁ ଚେଷ୍ଟା କରୁନାହାନ୍ତି ମଲାଇକା।