ବିନ୍ତା ନନ୍ଦା ଦୁଷ୍କର୍ମ ମାମଲା : ଆଲୋକ ନାଥଙ୍କ ଆଗୁଆ ଜାମିନ୍ ଆବେଦନ ଉପରେ ରାୟ ଡିିସେମ୍ବର ୨୬ ପର୍ଯ୍ୟନ୍ତ ସଂରକ୍ଷିତ
ନୂଆଦିଲ୍ଲୀ : #ମି ଠୁ ଅଭିଯାନ ଚାଲିଥିବା ବେଳେ ବଲିଉଡ୍ର ଅନେକ ଅଭିନେତ୍ରୀ ନିଜ ସହ ହୋଇଥିବା ଯୌନ ଅସଦାଚରଣ ବିଷୟରେ ଖୋଲାଖୋଲି ଭାବରେ ସମସ୍ତଙ୍କୁ ଜଣାଇଥିଲେ । ଏଥିରେ ସାମିଲ ଥିଲେ ଲେଖିକା ବିନ୍ତା ନନ୍ଦା । ବଲିଉଡ୍ର ଜଣେ ଆଗଧାଡ଼ିର ଅଭିନେତା ଆଲୋକ ନାଥଙ୍କ ଉପରେ ସେ ଦୁଷ୍କର୍ମର ଅଭିଯୋଗ ଆଣିବା ପରେ ଖବରଟି ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା ।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ବିନ୍ତା ଆରୋପ ଲଗାଇବାର ପ୍ରାୟ ମାସେ ପରେ ମୁମ୍ବାଇ ପୁଲିସ ଆଲୋକ ନାଥଙ୍କ ବିରୋଧରେ ଦୁଷ୍କର୍ମ ମାମଲା ରୁଜୁ କରିଥିଲା । ଏହା ପରେ ବିନ୍ତାଙ୍କ ସହ ଦୁଷ୍କର୍ମ ହୋଇଛି କି ନାହିଁ, ସେ ନେଇ ତାଙ୍କର ଡ଼ାକ୍ତରୀ ପରୀକ୍ଷା କରାଯିବ ବୋଲି ଖବର ମିଳିଥିଲା । ଏବେ ବିନ୍ତା ନନ୍ଦାଙ୍କ ଦୁଷ୍କର୍ମ ମାମଲାକୁ ନେଇ ଆଉ ଏକ ବଡ଼ ଖବର ମିଳିଛି । ଅଭିନେତା ଆଲୋକ ନାଥ ଆଗୁଆ ଜାମିନ୍ ପାଇଁ ଆବେଦନ କରିଥିବା ବେଳେ ମୁମ୍ବାଇର ସେସନ୍ କୋର୍ଟ ଡ଼ିସେମ୍ବର ୨୬ ପର୍ଯ୍ୟନ୍ତ ରାୟ ସଂରକ୍ଷିତ ରଖିଥିବା ଜଣାପଡ଼ିଛି । ଡ଼ିସେମ୍ବର ୨୬ରେ ଆଲୋକ ନାଥଙ୍କ ଅବେଦନ ଉପରେ ରାୟ ପ୍ରକାଶ କରାଯିବ ବୋଲି ସୂଚନା ମିଳିଛି ।