ସୁଟିଂ ଅଧାରେ ରଖି ଫେରି ଆସିଲେ ନାନା ପାଟେକର, ସେଟ୍ରେ ଅପେକ୍ଷା କରି ରହିଲେ ସହକଳାକାର,ଏହା ଥିଲା କାରଣ
ମୁମ୍ବାଇ : ବଲିଉଡ୍ ଅଭିନେତା ନାନା ପାଟେକରଙ୍କୁ ନେଇ ଅଭିନେତ୍ରୀ ତନୁଶ୍ରୀ ଦତ୍ତା କରିଥିବା ଖୁଲାସାର ପ୍ରଭାବ ଏବେ ନାନାଙ୍କ ଜୀବନ ଉପରେ ପଡ଼ିଥିବାର ଦେଖିବାକୁ ମିଳିଛି । ପୂର୍ବରୁ ସେ ଏନେଇ ନିଜର କୌଣସି ପ୍ରତିକ୍ରିୟା ରଖି ନଥିବା ବେଳେ ଏ ଘଟଣରେ କେତେ ସତ୍ୟତା ରହିଛି ସେ ନେଇ ଅନେକଙ୍କ ମନରେ ଦ୍ୱନ୍ଦ୍ୱ ସୃଷ୍ଟି ହୋଇଛି । ତେବେ ଏହି ଘଟଣାକୁ ନେଇ ନାନାଙ୍କ ଉପରେ କିଭଳି ପ୍ରଭାବ ପଡ଼ିଛି ତାହା ଦେଖିବାକୁ ମିଳିଛି । ପୂର୍ବରୁ କୌଣସି ପ୍ରତିକ୍ରିୟା ରଖି ନଥିବା ନାନା ଏବେ ‘ହାଉସ୍ଫୁଲ-୪’ର ସୁଟିଂ ବନ୍ଦ କରିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୁଟିଂ ପାଇଁ ସେ ମୁମ୍ବାଇରୁ ଜୟସଲମେର ଯାଇଥିବା ବେଳେ ଏବେ ସେ ସୁଟିଂ ବନ୍ଦ କରି ପୁଣି ମୁମ୍ବାଇ ଫେରି ଆସିଥିବା ସୂଚନା ମିଳିଛି । ସୁଟିଂ ସେଟ୍ରେ କଳାକାର ଏବଂ କ୍ରିଉ ମେମ୍ବର ତାଙ୍କୁ ଅପେକ୍ଷା କରି ବସିଥିବା ବେଳେ ପହଞ୍ଚି ନ ଥିଲେ । ପରେ ସେ ତନୁଶ୍ରୀଙ୍କୁ ଆଇନର ବାଟ ଆପଣାଇ ଉଚିତ୍ ଜବାବ ଦେବା ପାଇଁ ମୁମ୍ବାଇ ଫେରି ଯାଇଥିବା ଜଣା ପଡ଼ିଥିଲା । ଅନ୍ୟ ପକ୍ଷରେ ନିର୍ଦ୍ଦେଶକ ସାଜିଦ୍ ଖାନ୍ ଫିଲ୍ମରେ ନାନାଙ୍କର ଥିବା ଦୃଶ୍ୟ ପରେ ସୁଟ୍ କରାଯିବ ବୋଲି ମତ ରଖିଥିଲେ ।