ବିବାହ ପୂର୍ବରୁ ଅଭିନେତ୍ରୀ ନର୍ଗୀସ୍ ଫକ୍ରୀ ଗର୍ଭବତୀ ଥିବା ନେଇ ଚର୍ଚ୍ଚା, ମିଡିଆ ଆଗରେ କରୁଛନ୍ତି ଏଭଳି ବ୍ୟବହାର
ମୁମ୍ବାଇ: କିଛି ଦିନ ପରଦାଠାରୁ ଦୂରରେ ରହିବା ପରେ ଏବେ ଫିଲ୍ମ ଅମାବାସ ଜରିଆରେ ଫେରୁଛନ୍ତି ଅଭିନେତ୍ରୀ ନର୍ଗୀସ ଫକ୍ରୀ । ଫିଲ୍ମର ଗୀତ ଏବଂ ଟ୍ରେଲର ରିଲିଜ୍ ହୋଇ ସାରିଥିବା ବେଳେ ଫିଲ୍ମକୁ ନେଇ ଖୁବ୍ ଆଶାବାଦୀ ନର୍ଗୀସ୍ । ଫିଲ୍ମ ଅପେକ୍ଷା ଏବେ ସେ ନିଜ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ରହିଛନ୍ତି । ବିବାହ ପୂର୍ବରୁ ନର୍ଗୀସ୍ ଗର୍ଭବତୀ ଥିବା ନେଇ ଏବେ ଚର୍ଚ୍ଚା ଜୋର ଧରିଛି । ତାଙ୍କ ଚାଲି ଚଳନ ଏବଂ ପିନ୍ଧୁଥିବା ପୋଷାକ ପାଇଁ ଏଭଳି ଚର୍ଚ୍ଚା ଆରମ୍ଭ ହୋଇଛି । ସବୁ ବେଳେ ଗ୍ଲାମରସ୍ ପୋଷକ ପିନ୍ଧୁଥିବା ନର୍ଗୀସ୍ ଏବେ ଢ଼ିଲା ଢ଼ିଲା ପୋଷାକରେ ନଜର ଆସୁଛନ୍ତି । କିଛି ଲୋକ ସେ ତାଙ୍କର ବେବି ବମ୍ପ ଲୁଚାଇବା ପାଇଁ ଏଭଳି ପୋଷାକ ପିନ୍ଧୁଥିବା କହିବା ଆରମ୍ଭ କରିଛନ୍ତି । ଏହା ସହ ମିଡିଆକୁ ଦେଖିଲେ ସେ ବିରକ୍ତ ହେବା ସହ ମୁହଁ ଲୁଚାଇ ଚାଲି ଯାଉଛନ୍ତି । ତେବେ ପ୍ରକୃତରେ ସେ ଗର୍ଭବତୀ ଅଛନ୍ତି କି ନାହିଁ, ସେ ନେଇ ନରଗୀସ୍ କୌଣସି ମତ ରଖି ନାହାନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଭିନେତା ଉଦୟ ଚୋପ୍ରାଙ୍କଠାରୁ ଅଲଗା ହେବା ପରେ ସେ ମାଟ୍ଟ ଅଲୋଞ୍ଜୋଙ୍କ ସହ ପ୍ରେମ ସଂପର୍କରେ ରହିବା ଆରମ୍ଭ କରିଥିଲେ । କିନ୍ତୁ କିଛି ଦିନ ପରେ ସେ ମାଟ୍ଟଙ୍କଠାରୁ ମଧ୍ୟ ଅଲଗା ହୋଇ ଯାଇଥିଲେ । ଯାହା ପରେ ତାଙ୍କର ଗର୍ଭବତୀ ହେବା ଖବର ସାମ୍ନାକୁ ଆସିଥିଲା ।