ସିଦ୍ଧୁଙ୍କୁ କପିଲଙ୍କ ସୋ’ରୁ ବାହାର କରି ଦିଆଯିବା ପରେ ଏବେ ଫିଲ୍ମସିଟିରେ ପ୍ରବେଶକୁ ନେଇ ନିଷେଧାଦେଶ ଜାରି
ମୁମ୍ବାଇ : କ୍ରିକେଟର ତଥା ରାଜନେତା ନବଜୋତ୍ ସିଂହ ସିଦ୍ଧୁ ଏବେ ନିଜ ବୟାନ ପାଇଁ ବିବାଦରେ ଛନ୍ଦି ହୋଇ ପଡ଼ିଛନ୍ତି । ପୁଲଓ୍ଵାମା ଆତଙ୍କବାଦୀ ଆକ୍ରମଣ ପରେ ସିଦ୍ଧୁ ଯେଉଁଭଳି ଭାବରେ ନିଜର ମତ ରଖିଥିଲେ, ତାହା ତାଙ୍କୁ ବିବାଦରେ ଛନ୍ଦି ଦେଇଥିଲା । ପ୍ରଥମେ ତାଙ୍କୁ କପିଲ ଶର୍ମାଙ୍କ କମେଡି ସୋ’ରୁ ବାହାର କରି ଦିଆ ଯାଇଥିବା ବେଳେ ଏବେ ତାଙ୍କର ଫିଲ୍ମସିଟି ମଧ୍ୟକୁ ପ୍ରବେଶ ମଧ୍ୟ ନିଷେଧ କରି ଦିଆଯାଇଛି । ଏବେ ସିଦ୍ଧୁ ଫିଲ ସିଟି ମଧ୍ୟକୁ ପ୍ରବେଶ କରି ପାରିବେ ନାହିଁ । ପଶ୍ଚମ ଭାରତ ସିନେ କର୍ମଚାରୀ ମହାସଂଘ ପକ୍ଷରୁଏହି ନିଷେଧାଦେଶ ଜାରି କରାଯାଇଛି । ଉଲ୍ଳେଖଯୋଗ୍ୟ, ଏହା ପୂର୍ବରୁ ପାକିସ୍ତାନୀ କଳାକାରମାନଙ୍କୁ ବଲିଉଡ୍ରେ କାମ କରିବା ନେଇ ନିଷେଧାଦେଶ ଜାରି ହୋଇଥିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପୁଲଓ୍ଵାମାରେ ଆତଙ୍କବାଦୀ ଆକ୍ରମଣ ପରେ ସିଦ୍ଧୁ, କିଛି ଲୋକଙ୍କ ଦୋଷ ପାଇଁ ସାରା ଦେଶକୁ ଦଣ୍ଡ ଦେବା ଠିକ୍ ନୁହେଁ । ଏଭଳି ଭୀରୁ ଆଚରଣକୁ ମୁଁ ନିନ୍ଦା କରୁଛି । କିନ୍ତୁ ଯିଏ ଦାୟୀ, ତାକୁ ହିଁ ଦଣ୍ଡ ମିଳୁ ବୋଲି କହିଥିଲେ ସିଦ୍ଧୁ । ଯାହା ପରେ ତାଙ୍କୁ ନେଇ ବିରୋଧ ପ୍ରଦର୍ଶନ ଆରମ୍ଭ ହୋଇ ଯାଇଥିଲା ।