ଖୁବ୍ ଶୀଘ୍ର ଏହି କଳାକାରଙ୍କୁ ବିବାହ କରିବାକୁ ଯାଉଛନ୍ତି ନେହା କକ୍କର, ନିଜେ କଲେ ଖୁଲାସା
ମୁମ୍ବାଇ : ବଲିଉଡ୍ର ଲୋକପ୍ରିୟ କଣ୍ଠଶିଳ୍ପୀ ନେହା କକ୍କର ନିଜ ବ୍ୟକ୍ତିଗତ ଜୀବନକୁ ନେଇ ପୁଣି ଚର୍ଚ୍ଚାର ପରିସରକୁ ଆସିଛନ୍ତି । ପୂର୍ବରୁ ତାଙ୍କର ହିମାନ୍ସ କୋହଲୀଙ୍କ ସହ ପ୍ରେମ ସଂପର୍କକୁ ନେଇ ଚର୍ଚ୍ଚା ହୋଇଥିବା ବେଳେ ହିମାନ୍ସ ତାଙ୍କର ଜଣେ ଭଲ ବନ୍ଧୁ ବୋଲି କହି ଆସୁଥିଲେ ନେହା । କିନ୍ତୁ ଏବେ ସେ ଅଧିକାରିକ ଭାବରେ ହିମାନ୍ସଙ୍କୁ ଡ଼େଟ୍ କରୁଥିବା ନେଇ ସ୍ୱୀକାର କରିଛନ୍ତି । ରିୟାଲିଟି ସୋ’ ‘ଇଣ୍ଡିଆନ୍ ଆଇଡ଼ଲ’ରେ ସେ ଏହା ସ୍ୱୀକାର କରିବା ସହ ଆମେମାନେ ସାଥୀରେ ଅଛୁ ଏବଂ ରହିବୁ । ଆଗାମୀ ଦିନରେ ମୁଁ ହିମାନ୍ସଙ୍କୁ ବିବାହ ମଧ୍ୟ କରିପାରେ ବୋଲି ନେହା କହିଥିବା ଦେଖା ଯାଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରିୟାଲିଟି ସୋ’ ‘ଇଣ୍ଡିଆନ୍ ଆଇଡ଼ଲ’କୁ ନିଜ କମେଡ଼ିର ତଡ଼୍କା ଲଗାଇବା ପାଇଁ ସୁନୀଲ ଗ୍ରୋଭର ଆସିଥିବା ବେଳେ ନେହାଙ୍କ ସ୍ୱୟମ୍ବର କରାଇଥିଲେ । ଏହି ସମୟରେ ହିମାନ୍ସ ସୋ’ରେ ଏଣ୍ଟ୍ରି କରିବାରୁ ନେହା ହିମାନ୍ସଙ୍କୁ ଦେଖି ମୁଁ ହିମାନ୍ସଙ୍କୁ ଜାଣିଛି । ଭବିଷ୍ୟତରେ ମୋ ବିବାହ ପାଇଁ ସ୍ୱୟମ୍ବର ହେଲେ ହିମାନ୍ସ ସେ ଲିଷ୍ଟରେ ନିଶ୍ଚୟ ଥିବେ ବୋଲି କହିଥିଲେ । ଏହା ପରେ ସେ ହିମାନ୍ସଙ୍କ ସହ ‘ଓ ହମ୍ସଫର’ ଗୀତରେ ନାଚିଥିବାର ଦେଖା ଯାଇଥିଲା । ନେହାଙ୍କ ଏହି ଉତ୍ତର ପରେ ସେ ହିମାନ୍ସଙ୍କୁ ବିବାହ କରିବାକୁ ଚାହୁଁଥିବା ସହ ଖୁବ୍ ଶୀଘ୍ର ବିବାହ କରିପାରନ୍ତି ବୋଲି ଲୋକମାନେ କହିବା ଆରମ୍ଭ କରିଛନ୍ତି ।