ଦୁବାଇର ଏହି ହୋଟେଲରେ ହନିମୁନ ପାଇଁ ନେହା କକ୍କର ଦିନକ ଲାଗି ଦେଉଛନ୍ତି ଏକ ଲକ୍ଷ ଟଙ୍କା

ମୁମ୍ବାଇ: ଲୋକପ୍ରିୟ କଣ୍ଠଶିଳ୍ପୀ ନେହା କକ୍କଡ଼ ଓ ରୋହନପ୍ରୀତ ସିଂହ ବିବାହ ପରେ ହନିମୁନ ପାଇଁ ଦୁବାଇରେ ପହଞ୍ଚିଛନ୍ତି। ନେହା ସୋସିଆଲ ମିଡିଆରେ ହନିମୁନ୍ ଫଟୋ ସେୟାର କରୁଛନ୍ତି। ଆଉ ତାଙ୍କ ଫଟୋରେ ଟ୍ୟାଗ୍ ହୋଇଥିବା ସ୍ଥାନ ହେଉଛି ଦୁବାଇର ଆଟଲାଣ୍ଟିସ୍ ଦି ପାମ | ଯେଉଁଠାରେ ଦିନକ ପିଛା ରହିବା ପାଇଁ ୧ ଲକ୍ଷ ଟଙ୍କା ଖର୍ଚ୍ଚ କରିବାକୁ ପଡିଥାଏ | ଖବର ଅନୁଯାୟୀ, ଦି ପାମରେ ଦୁଇ ଜଣ ଦିନେ ରହିବା ପାଇଁ ସର୍ବନିମ୍ନ ମୂଲ୍ୟ ହେଉଛି ୨୬ ହଜାର ୮୩୪ ଟଙ୍କା |

photo-emirates vacation

ଆଉ ସର୍ବାଧିକ ସୁଟର ମୂଲ୍ୟ ୩ ଲକ୍ଷ ୨୧ ହଜାର ୪ ଶହ ୧୪ ଟଙ୍କା ରହିଛି | ଅବଶିଷ୍ଟ ସୁଟ୍ ଗୁଡିକର ମୂଲ୍ୟ ଦିନ ପିଛା ୬୦ ହଜାରରୁ ଏକ ଲକ୍ଷ ଟଙ୍କା ପର୍ଯ୍ୟନ୍ତ ରହିଛି। ନେହାଙ୍କ ଇନଷ୍ଟାଗ୍ରାମ ପୋଷ୍ଟରୁ ଏହା ଜଣାପଡିଛି ଯେ ସେମାନେ ଦୁହେଁ ରେଗାଲ୍ ସୁଟ୍ କ୍ଲବରେ ରହିଛନ୍ତି। ଆଟଲାଣ୍ଟିସର ଅଫିସିଆଲ୍ ୱେବସାଇଟ୍ ଅନୁଯାୟୀ, ଏହି ରେଗାଲ୍ ସୁଟ୍ ରୁମରେ ଗୋଟିଏ ରାତି ରହିବାର ମୂଲ୍ୟ ୭୨ ହଜାର ୪୦୩ ଟଙ୍କା ରହିଛି |

ଯଦି ଆପଣ ଏଠାରେ ଖାଦ୍ୟ ଖାଇବେ ତେବେ ମୂଲ୍ୟ ୧ ଲକ୍ଷ ୧ ହଜାର ୮୧୩ ଟଙ୍କା ହୋଇଥାଏ | ଆଉ ଏହି ପୋଷ୍ଟ ମୁତାବକ ନେହା ଦିନକ ପାଇଁ ୧ ଲକ୍ଷ ଟଙ୍କା ଖର୍ଚ୍ଚ କରୁଛନ୍ତି | ସୂଚନା ଥାଉ କି ନେହା ବିଳାସପୂର୍ଣ୍ଣ ହୋଟେଲ ଦ୍ୱାରା ପ୍ରସ୍ତୁତ ସ୍ୱତନ୍ତ୍ର ବ୍ୟବସ୍ଥାର ଫଟୋ ମଧ୍ୟ ସେୟାର କରିଥିଲେ | ନେହା କକ୍କର ଏବଂ ରୋହନପ୍ରୀତ ସିଂ ୨୪ ଅକ୍ଟୋବରରେ ବିବାହ କରିଥିଲେ।

ସମ୍ବନ୍ଧିତ ଖବର

Comments are closed.