ଏହି କାରଣ ପାଇଁ ବିଗ୍ ବସ୍ରୁ ଅଭିନେତ୍ରୀଙ୍କୁ ବାହାର କରି ଦିଆଯାଇଥିବା ନେଇ ଚର୍ଚ୍ଚା
ମୁମ୍ବାଇ: ଦେଶର ସବୁଠାରୁ ଲୋକପ୍ରିୟ ରିୟାଲଟି ସୋ’ ବିଗ୍ ବସ୍-୧୨ର ଚତୁର୍ଥ ସପ୍ତାହରେ ସେଲିବ୍ରିଟି ପ୍ରତିଯୋଗୀ ନେହା ପେଣ୍ଡସେଙ୍କୁ ବାହାର କରି ଦିଆ ଯାଇଛି । ଦୁଇ ସପ୍ତାହ ହେଲା ସେ ନୋମିନେଟ୍ ହେଉଥିବା ବେଳେ ଚତୁର୍ଥ ସପ୍ତାହରେ ତାଙ୍କୁ ଘରୁ ବାହାରକୁ ଆସିବାକୁ ପଡ଼ିଛି । ତାଙ୍କ ସହ ଅଭିନେତା କରଣବୀର ବୋହରା ଏବଂ ଶ୍ରୀସନ୍ଥ ମଧ୍ୟ ନୋମିନେଟ୍ ହୋଇଥିଲେ । ତେବେ ସୋ’ରୁ ବାହାରିବା ପରେ ସୋ’ର ନିର୍ମାତା ନେହାଙ୍କ ବାହାରିବା ପଛରେ ଏକ ଭିନ୍ନ କାରଣ ଦର୍ଶାଇଥିବା ଦେଖାଯାଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ନେହା ସୋ’ରେ ସେତେ ଭଲ ପ୍ରଦର୍ଶନ କରୁ ନଥିବା ବେଳେ କୌଣସି ଜିନିଷକୁ ନେଇ ନିଜର ସ୍ୱତନ୍ତ୍ର ମତ ରଖୁ ନଥିଲେ । କୌଣସି ବି କାମ ଦିଆଯାଉଥିଲେ ସେ ଭଲ ଭାବରେ ତାକୁ ପୂରା କରୁ ନଥିଲେ । ଏତେ ସବୁ ପରେ ମଧ୍ୟ ସେ ସପ୍ତାହକୁ ୨୦ଲକ୍ଷ ଟଙ୍କା ଡ଼ିମାଣ୍ଡ କରିବାରୁ ସୋ’ର ନିର୍ମାତା ନେହାଙ୍କୁ ସୋ’ରୁ ବାହାର କରିବା ପାଇଁ ନିଷ୍ପତ୍ତି ନେଇଥିଲେ ବୋଲି ଜଣା ପଡ଼ିଛି ।