ଆମାଜନ ପ୍ରାଇମ୍ ଭିଡିଓରେ ପ୍ରିମିୟର୍ ହେବ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘‌ଗେହରାଇୟାଁ’

ଶକୁନ ବାତ୍ରାଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘‌ଗେହରାଇୟାଁ’ ଆମାଜନ ପ୍ରାଇମ୍ ଭିଡିଓରେ ପ୍ରିମିୟର୍ ହେବ ବୋଲି ଘୋଷଣା ହେଇଛି। ଏଇ ଚଳଚ୍ଚିତ୍ରଟି ଶକୁନଙ୍କ ଜୁସ୍କା ଫିଲ୍ମସ ପ୍ରଡକ୍ସନ ହାଉସ ସହିତ ଧର୍ମା ପ୍ରଡକ୍ସନ୍ ଓ ବାଇକମ୍-୧୮ ଷ୍ଟୁଡିଓ ମିଳିତ ସହଯୋଗରେ ନିର୍ମାଣ କରିଛନ୍ତି। ଏଥିରେ ପ୍ରେମୀଯୁଗଳଙ୍କ ପ୍ରେମସମ୍ପର୍କର ଡ୍ରାମା ପ୍ରତିଫଳିତ ହେଇଛି।

ଆଧୁନିକ ଯୁଗର ପ୍ରେମ ସମ୍ପର୍କ ଏତେ ଜଟିଳ ଯେ ପ୍ରେମିକ ଓ ପ୍ରେମିକା ବାସ୍ତବ ଜୀବନରେ ନିୟନ୍ତ୍ରଣ ହରାଇ ବସୁଛନ୍ତି। ଏ ପ୍ରେମ ସମ୍ପର୍କ ଏତେ ଗଭୀରକୁ ଯାଉଛି ଓ ଏମାନଙ୍କୁ ଏତେ ଦ୍ବନ୍ଦ୍ବରେ ପକାଉଛି ଯେ ଉଭୟ ଏକ ନିଶ୍ଚିତ ନିଷ୍ପତ୍ତିରେ ପହଞ୍ଚିପାରୁନାହାଁନ୍ତି। ଆଜିର ପ୍ରେମୀଯୋଡ଼ିଙ୍କ ମଧ୍ୟରେ ଗଢ଼ି ଉଠୁଥିବା ପ୍ରେମସମ୍ପର୍କ ଭିତରେ ସମ୍ପର୍କର ଗଭୀରତା, ବାସ୍ତବତା ଓ ଆତ୍ମୀୟତାକୁ ନେଇ ଏଇ ଚଳଚ୍ଚିତ୍ର ମାଧ୍ୟମରେ ଚମତ୍କାର ଭାବେ ବିଶ୍ଳେଷଣ କରାଯାଇଛି। ଏଥିରେ ସିଦ୍ଧାନ୍ତ ଚତୁର୍ବେଦୀ, ଦୀପିକା ପାଦୁକୋନ ଓ ଅନନ୍ୟା ପାଣ୍ଡେ ମୁଖ୍ୟ ଭୂମିକାରେ ଅଛନ୍ତି। ପୁଣି ବର୍ଷୀୟାନ ଅଭିନେତା ନସିରୁଦ୍ଦିନ ଶାହ ଓ ରଜତ କପୁର ଏଥିରେ ପ୍ରମୁଖ ଭୂମିକା ନିର୍ବାହ କରିଛନ୍ତି।

ଆଗାମୀ ଜାନୁଆରି ୨୫ ତାରିଖରେ ଉକ୍ତ ଚଳଚ୍ଚିତ୍ରଟିକୁ ୨୪୦ରୁ ଅଧିକ ଦେଶରେ (ୱାର୍ଲଡ୍ ପ୍ରମିୟର) ପ୍ରଦର୍ଶିିତ କରାଯିବ ବୋଲି ଯୋଜନା କରାଯାଇଛି। ପ୍ରୋକ୍ଷାଳୟରେ ସିଧାସଳଖ ଉକ୍ତ ସିନେମାଟି ମୁକ୍ତିଲାଭ କରୁ ନ ଥିଲେ ମଧ୍ୟ ଡିଜିଟାଲ୍ ପ୍ଲାଟଫର୍ମ ଜରିଆରେ ଅନେକ ଦର୍ଶକଙ୍କୁ ପ୍ରଭାବିତ କରିବ ବୋଲି ଆମାଜନ ପ୍ରାଇମ୍ ଭିଡିଓର ଲାଇସେନ୍ସିଙ୍ଗ୍ ହେଡ୍ ମନୀଷ ମନ୍ଧାନୀ ଆଶା ରଖିଛନ୍ତି।