ଖୁବଶୀଘ୍ର ମୁକ୍ତିଲାଭ କରିବ ନୂଆ ଓଡ଼ିଆ ଚଳଚ୍ଚିତ୍ର ‘ଏ ଜୀବନ’
ଭୁବନେଶ୍ବର: ନୂଆ ଓଡ଼ିଆ ଚଳଚ୍ଚିତ୍ର ‘ଏ ଜୀବନ’ ଖୁବଶୀଘ୍ର ମୁକ୍ତିଲାଭ କରିବ ବୋଲି ଜଣାପଡ଼ିଛି। ଏଥିରେ ନାୟକ ଭୂମିକାରେ ଅଭିନେତା ଶ୍ରୀତମ ଦାସ ଏବଂ ନାୟିକା ଭୂମିକାରେ ଅଛନ୍ତି ଜିନା ସାମଲ । ଏହା ବ୍ୟତୀତ ଏକ ପ୍ରମୁଖ ଚରିତ୍ରରେ ଅଛନ୍ତି ଦେବ। ଅନ୍ୟମାନଙ୍କ ମଧ୍ୟରେ ଚୌଧୁରୀ ଜୟପ୍ରକାଶ ଦାସ, ଅଶ୍ରୁମୋଚନ ମହାନ୍ତି, ପ୍ରଦ୍ୟୁମ୍ନ ଲେଙ୍କା, ବବି ମିଶ୍ର, କାଳୀ ଭିନ୍ନ ଭୂମିକାରେ ଅବତୀର୍ଣ୍ଣ ହେଇଛନ୍ତି। ‘ଏ ଜୀବନ’ର କାହାଣୀ ବାପା ଓ ପୁଅର ଭାବପ୍ରବଣ ସମ୍ପର୍କକୁ ନେଇ ଗତିଶୀଳ ହେଇଛି। ଚଳଚ୍ଚିତ୍ରଟି ମୁକ୍ତିଲାଭ ପାଇଁ ପ୍ରସ୍ତୁତ ବୋଲି ଏହାର ପ୍ରଚାର ଓ ପ୍ରସାର ଦାୟିତ୍ବରେ ଥିବା ଅମରେଶ ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଅନନ୍ତ ଭାରତୀ କ୍ରିଏସନ୍ ବ୍ୟାନରରେ ନିର୍ମିତ ଏଇ ଚଳଚ୍ଚିତ୍ରର ପ୍ରଯୋଜନା କରିଛନ୍ତି ଅନନ୍ତ କୁମାର ସାମଲ ଏବଂ ସହ ପ୍ରଯୋଜକର ଭୂମିକା ନିର୍ବାହ କରିଛନ୍ତି ରାକେଶ ରାୟ ଓ ସତ୍ୟ ଗୋପାଲ। ଉକ୍ତ ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ବିଶ୍ବମୋହନ ରଣା। କାହାଣୀ ପରିକଳ୍ପନା କରିଛନ୍ତି ସଚ୍ଚିଦାନନ୍ଦ ସାମଲ, ସଂଳାପ ଲେଖିଛନ୍ତି ପ୍ରଭାତ ମହାରଣା ଏବଂ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ଅବିନାଶ ମିଶ୍ର।