ନ୍ୟୁଜ୍‌ ରିଲ୍‌: ପ୍ରଭାସଙ୍କ ନୂଆ ସିନେମା

ସାରା ଭାରତର ଦର୍ଶକଙ୍କ ପ୍ରିୟ ପାଲଟିଛନ୍ତି ସୁପର୍‌ଷ୍ଟାର୍‌ ପ୍ରଭାସ। ନିକଟରେ ମୁକ୍ତିଲାଭ କରିଥିବା ତାଙ୍କ ଅଭିନୀତ ‘କଳ୍କୀ’ ଯୁବଦର୍ଶକଙ୍କ ମନ କିଣିନେଇଥିଲା। ‘ବାହୁବଳୀ’ରୁ ଆରମ୍ଭ ହୋଇଥିବା ପ୍ରଭାସ କ୍ରେଜ୍‌ ଏଯାବତ୍‌ ଜାରି ରହିଛି। ତେବେ ଦର୍ଶକମାନଙ୍କ ପାଇଁ ପୁଣି କିଛି ଜବରଦସ୍ତ ସିନେମା ନେଇ ଆସିବାକୁ ପ୍ରସ୍ତୁତ ହେଉଛନ୍ତି ସେ।  

ପ୍ରଭାସଙ୍କର ଆଗାମୀ ଚଳଚ୍ଚିତ୍ରଗୁଡ଼ିକ ମଧ୍ୟରେ ରହିଛି ‘କନ୍ନପା’। ବିଷ୍ଣୁ ମଞ୍ଚୂଙ୍କ ଏହି ସିନେମାରେ ପ୍ରଭାସଙ୍କୁ ଶିବଙ୍କ ଭୂମିକାରେ ଦେଖିବାକୁ ମିଳିବ। ଏଥିରେ ସେ ଅଭିନେତ୍ରୀ ନୟନତାରାଙ୍କ ସହ ନଜର ଆସିବେ। ସେହିପରି ତାଙ୍କର ଅନ୍ୟ ଏକ ଅପ୍‌କମିଂ ସିନେମା ହେଉଛି ‘ଦ ରାଜା ସାବ୍’। ୪୦୦ କୋଟି ବଜେଟ୍‌ର ଏହି ସିନେମା ନିର୍ମାଣ ଚାଲିଛି।  ଏହା ବାଦ୍ ‘ଫୌଜୀ-୨’ ଓ ‘ସଲାର୍‌-୨’ରେ ମଧ୍ୟ ଆଗାମୀ ଦିନରେ ‘ବାହୁବଳୀ ଷ୍ଟାର୍’ଙ୍କୁ ଦେଖିବାକୁ ମିଳିବ। ସନ୍ଦୀପ ରେଡ୍ଡୀ ଭାଙ୍ଗାଙ୍କ ୩୨୦ କୋଟି ଟଙ୍କା ବଜେଟ୍‌ରେ ନିର୍ମିତ ‘ସ୍ପିରିଟ୍’ରେ ଦର୍ଶକଙ୍କ ମନୋରଞ୍ଜନ କରିବେ ପ୍ରଭାସ। ଏହାଛଡ଼ା ଶ୍ରୀକାନ୍ତ ଓଡେଲ୍‌ଙ୍କ ନାମକରଣ ହୋଇ ନଥିବା ଏକ ଛବି  ଏବଂ ‘ରାବଣମ୍’ରେ ମଧ୍ୟ ସେ ନଜର ଆସିବେ। ୬୦୦ କୋଟି ବଜେଟ୍‌ରେ ନିର୍ମିତ ପ୍ରଭାସଙ୍କ ସଦ୍ୟତମ ଚଳଚ୍ଚିତ୍ର ‘କଳ୍କୀ ୨୮୯୮ଏଡି’ ବକ୍ସ ଅଫିସରେ ୧୧୦୦ କୋଟିରୁ ଅଧିକ ଟଙ୍କା ଆୟ କରିଥିଲା।