ମୁମ୍ବାଇ : ଲୋକପ୍ରିୟ କୋରିଓଗ୍ରାଫର ଓ ନିର୍ଦ୍ଦେଶକ ରେମୋ ଡି’ସୁଜାଙ୍କୁ ନେଇ ଏକ ବଡ଼ ଖବର ସାମ୍ନାକୁ ଆସିଛି । କୌଣସି ମୂହୁର୍ତ୍ତରେ ତାଙ୍କୁ ଗିରଫ କରାଯାଇପାରେ ବୋଲି ଜଣା ପଡ଼ିଛି। ୫ କୋଟି ଟଙ୍କା ହଡ଼ପ କରିବାର ଅଭିଯୋଗ ଲାଗିବା ପରେ ଗାଜିଆବାଦ୍ର ଏକ ଅଦାଲତ ତାଙ୍କ ବିରୋଧରେ ଜାମିନ ବିହୀନ ପରଓ୍ଵାନା ଜାରି କରିଥିବା ନେଇ ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୨୦୧୬ରେ ରେମୋ ଡି’ସୁଜାଙ୍କ ବିରୋଧରେ ଠକେଇର ଅଭିଯୋଗ ଆସିବା ସହ ଗାଜିଆବାଦ୍ର ଜିଲ୍ଲା ଅଦାଲତରେ ଏହାର ଶୁଣାଣି ଚାଲୁଥିଲା । କିନ୍ତୁ ଶୁଣାଣି ସମୟରେ ସେ ଅଦାଲତରେ ହାଜର ହେଉ ନ ଥିବାରୁ ତାଙ୍କ ବିରୋଧରେ ଅଦାଲତ ଜାମିନ ବିହୀନ ପରଓ୍ଵାନା ଜାରି କରିଥିବା ଜଣାପଡ଼ିଛି । ବଲିଉଡ୍ର ଲୋକପ୍ରିୟ କୋରିଓଗ୍ରାଫରମାନଙ୍କ ମଧ୍ୟରୁ ସେ ଜଣେ ହୋଇଥିବା ବେଳେ ତାଙ୍କୁ ନେଇ ଏଭଳି ଖବର ଆସିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ତାଙ୍କ ପ୍ରଶଂସକଙ୍କୁ ଏହି ଖବର ଶକ୍ତ ଝଟକା ଦେଇଛି ।