ଗିଲଙ୍କୁ ନୁହେଁ, ଏହି କ୍ରିକେଟରଙ୍କୁ ସମର୍ଥନ କରିବା ପାଇଁ ପହଞ୍ଚିଥିଲେ ସାରା
ଲକ୍ଷ୍ନୌ: ସୋମବାର ନରେନ୍ଦ୍ର ମୋଦୀ ଷ୍ଟାଡିୟମ୍ରେ ଖେଳାଯାଇଥିଲା ଆଇପିଏଲ-୨୦୨୩ର ଶେଷ ମ୍ୟାଚ୍। ଏହି ମ୍ୟାଚରେ ମୁହାଁମୁହିଁ ହୋଇଥିଲେ ଚେନ୍ନାଇ ସୁପର କିଙ୍ଗ୍ସ ଓ ଗୁଜରାଟ ଟାଇଟନ୍ସ। ତେବେ ଚେନ୍ନାଇ ୫ ୱିକେଟ୍ରେ ଗତଥରର ବିଜେତା ଗୁଜରାଟ ଟାଇଟନ୍ସକୁ ଶେଷ ବଲ୍ରେ ପରାସ୍ତ କରି ଟ୍ରଫି ହାସଲ କରିଥିଲା। ଶେଷ ଦୁଇ ବଲ୍ରୁ ୧୦ ରନ୍ ଆବଶ୍ୟକ ଥିବାବେଳେ ମୋହିତ ଶର୍ମାଙ୍କୁ ଛକା ଓ ଚୌକା ମାରି ରବୀନ୍ଦ୍ର ଜାଦେଜା ଏହାକୁ ଧୋନିଙ୍କ ଷ୍ଟାଇଲରେ ଶେଷ କରିଥିଲେ। ଏହି ମ୍ୟାଚ ମଧ୍ୟରେ ଯିଏ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ ସେ ଥିଲେ ବଲିଉଡ ଅଭିନେତ୍ରୀ ସାରା ଅଲୀ ଖାନ୍ ଓ ଅଭିନେତା ଭିକି କୌଶଲ।
Sambad is now on WhatsApp
Join and get latest news updates delivered to you via WhatsApp
ଉଭୟ ନିଜର ଫିଲ୍ମର ପ୍ରଚାର ପାଇଁ ନରେନ୍ଦ୍ର ମୋଦୀ ଷ୍ଟାଡିୟମ୍ରେ ପହଞ୍ଚିଥିଲେ। ଦୁହେଁ ଚେନ୍ନାଇ ସୁପର କିଙ୍ଗ୍ସ ଓ ଗୁଜରାଟ ଟାଇଟନ୍ସକୁ ସମର୍ଥନ କରୁଥିବାର ଦେଖାଯାଇଥିଲେ ବି କ୍ରିକେଟର ଶୁଭମନ ଗିଲଙ୍କୁ ସମର୍ଥନ କରିବାକୁ ସାରା ଷ୍ଟାଡିୟମ ଯାଇଥିବା ଚର୍ଚ୍ଚା ହୋଇଥିଲା। ହେଲେ ଏବେ ଉଭୟ ସାରା ଓ ଭିକି କାହାକୁ ସମର୍ଥନ କରିବା ପାଇଁ ଯାଇଥିଲେ ତାହା ଜଣାଇଛନ୍ତି।
ଏକ ସାକ୍ଷାତକାରରେ ଭିକି କହିଛନ୍ତି, ଆମେ ମୁମ୍ବାଇ ଇଣ୍ଡିଆନ୍ସର ସମର୍ଥକ। ଆମେ ଫାଇନାଲକୁ କେବଳ ମ୍ୟାଚ୍ ଉପଭୋଗ କରିବାକୁ ଯାଇଥିଲୁ। ଉଭୟ ଦଳ ଚଉକା ଓ ଛକା ମାରିଲେ ଆମେ ତାଳି ମାରୁଥିଲୁ। ସେମିତି କହିବାକୁ ଗଲେ ହୃଦୟରୁ, ଆମେ ଦୁହେଁ ଏମଏସ ଧୋନିଙ୍କ ପ୍ରଶଂସକ।
ତେବେ ଗତ କିଛି ମାସ ହେଲା ଶୁଭମନ ଗିଲ୍ ଓ ସାରାଙ୍କ ମଧ୍ୟରେ ପ୍ରେମ ସମ୍ପର୍କ ଥିବା ଚର୍ଚ୍ଚା ହେଉଛି। ଏନେଇ ଦୁହେଁ କୌଣସି ପ୍ରତିକ୍ରିୟା ରଖିନଥିବା ବେଳେ ଅନେକ ଥର ଦୁହେଁ ଏକା ସାଙ୍ଗରେ ନଜର ଆସିଛନ୍ତି।