ନାନାଙ୍କ ପରେ ଏବେ ବିଗ୍ ବିଙ୍କ ନାମରେ ଯୌନ ଶୋଷଣ ନେଇ ଚର୍ଚ୍ଚା,ଏଭଳି ମିଥ୍ୟା ପ୍ରଚାର ବନ୍ଦ କରିବା ପାଇଁ କହିଲେ ଏହି ଅଭିନେତ୍ରୀ
ମୁମ୍ବାଇ : ବଲିଉଡ୍ର ଅସଲ ମୁଖା ସମସ୍ତଙ୍କ ସାମ୍ନାକୁ ଆଣିବା ସହ ଭାଗ ଭାଗ କରି ରଖି ଦେଇଛି #ମି ଠୁ ଅଭିଯାନ । ସମସ୍ତଙ୍କ ଆଖିରେ ନିଜର ଏକ ଭିନ୍ନ ଏବଂ ଉଚ୍ଚକୋଟିର ଭାବମୂର୍ତ୍ତି ତିଆରି କରିଥିବା କଳାକାରମାନଙ୍କ ଅସଲ ଚେହେରା ଏବେ ଧୀରେ ଧୀରେ ସାମ୍ନାକୁ ଆସିବାରେ ଲାଗିଛି । ନାନା ପାଟେକରଙ୍କ ଭଳି ଜଣେ ଲୋକପ୍ରିୟ ଅଭିନେତା ଅଭିନେତ୍ରୀ ତନୁଶ୍ରୀଙ୍କ ସହ କରିଥିବା କାମକୁ କେହି ବିଶ୍ୱାସ କରି ପାରୁ ନ ଥିବା ବେଳେ ଏବେ ବଲିଉଡ୍ର ଶେହ୍ନଶାହା ଅମିତାଭ ବଚ୍ଚନଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଛି । ୨୦୧୧ରେ ଅଭିନେତ୍ରୀ ସୟାଲି ଭଗତଙ୍କୁ ଏକ ଇଭେଣ୍ଟରେ ବିଗ୍ ବି ଅମିତାଭ ବଚ୍ଚନ ଆଶାଳୀନ ଭାବେ ସ୍ପର୍ଶ କରିଥିବା ଅଭିଯୋଗ ହୋଇଥିଲା, ଯାହାର ନିଆଁ ଏବେ କୁହୁଳିବାରେ ଲାଗିଛି ।
Sambad is now on WhatsApp
Join and get latest news updates delivered to you via WhatsApp
୨୦୧୧ର ଘଟଣାକୁ ନେଇ ଏବେ ସୋସିଆଲ ମିଡ଼ିଆରେ ଚର୍ଚ୍ଚା ଆରମ୍ଭ ହୋଇଥିବା ବେଳେ କିଛି ଲୋକ ଅମିତାଭ ବଚ୍ଚନଙ୍କୁ ଯୌନ ଶୋଷଣର ଅଭିଯୁକ୍ତ ବୋଲି କହିବା ଆରମ୍ଭ କରିଛନ୍ତି । ସୋସିଆଲ ମିଡ଼ିଆରେ ଏଭଳି ଚର୍ଚ୍ଚା ହେଉଥିବା ଦେଖି ନିଜର ପ୍ରତିକ୍ରିୟା ରଖିଛନ୍ତି ସୟାଲି । ଏକ ସାକ୍ଷାତକାରରେ ସେ ଯୌନ ଶୋଷଣର ପୀଡ଼ିତା ନୁହନ୍ତି ବୋଲି କହିଛନ୍ତି । ମୁଁ ସାଇବର କ୍ରାଇମର ଶିକାର ହୋଇଥିଲି । କିନ୍ତୁ ମୋ ସହ କେହି ଯୌନ ଶୋଷଣ କରି ନାହାନ୍ତି । ଏଭଳି ମିଥ୍ୟା ପ୍ରଚାର କରିବା ବନ୍ଦ କରନ୍ତୁ । ୨୦୧୧ରେ ଘଟିଥିବା ଘଟଣା ସାଇବର କ୍ରାଇମ ସହ ଜଡ଼ିତ ଥିଲା । ଦୟା କରି ଅମିତାଭ ବଚ୍ଚନଙ୍କ ଭଳି ଲିଜେଣ୍ଡଙ୍କୁ ଅପମାନିତ କରନ୍ତୁ ନାହିଁ ବୋଲି ସୟାଲି କହିଛନ୍ତି ।