ମୁମ୍ବାଇ: ସିଙ୍ଗର୍‌ ତଥା ରାପର୍‌ ୟୋ ୟୋ ହନି ସିଂହ ନୂଆ ବର୍ଷକୁ ନିଜ ପ୍ରେମିକା ଟିନା ଠଡାନୀଙ୍କ ସହ ମିଶି ପାଳନ କରିଛନ୍ତି। ହନି ସିଂହ ତାଙ୍କ ପ୍ରେମିକାଙ୍କ ସହ ନୂଆ ବର୍ଷକୁ ଧୁମ୍‌ଧାମ୍‌ର ସହ ଉପଭୋଗ କରିବା ସହ ପ୍ରଶଂସକଙ୍କ ସହ ଏକ ଭିଡିଓ ବି ସେୟାର କରିଛନ୍ତି। ଭଡିଓରେ ହନି ସିଂହ ‌ତାଙ୍କ ପ୍ରେମିକାଙ୍କ ସହ ରୋମାଣ୍ଟିକ୍‌ ହେଉଥିବାର ନଜର ଆସିଛନ୍ତି।

Advertisment

ପତ୍ନୀଙ୍କ ସହ ଛାଡ଼ପତ୍ର ହେବା ପରେ ହନି ସିଂହଙ୍କୁ ଟିନାଙ୍କ ଭିତରେ ନିଜ ସ୍ବପ୍ନର ନାୟିକା ମିଳିଯାଇଛି। ସେ ଏବେ ଟିନାଙ୍କ ସହ ପ୍ରେମ ସଂପର୍କରେ ଅଛନ୍ତି। ସେ ଗତ କିଛି ଦିନ ହେବ ଟିନା ଠଡାନୀଙ୍କ ସହ ହିଁ ନିଜର ଅଧିକାଂଶ ସମୟ ବିତାଉଥିବାର ଦେଖିବାକୁ ମିଳିଛନ୍ତି। ଏବେ ନୂଆବର୍ଷ ଉତ୍ସବ ବି ସେ ଟିନାଙ୍କ ସହ ପାଳନ କରିଛନ୍ତି।

ହନି ସିଂହ ତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟରେ ପ୍ରଶଂସକଙ୍କୁ ଶୁଭେଚ୍ଛା ଜଣାଇ ଏକ ଭିଡିଓ ସେୟାର କରିଛନ୍ତି। ଭିଡିଓରେ ହନି ସିଂହ କ୍ୟାମେରା ସମ୍ମୁଖରେ ନିଜ ଲେଡି ଲଭ୍‌ଙ୍କ ସହ ରୋମାଣ୍ଟିକ୍‌ ହେବାର ଦେଖିବାକୁ ମିଳିଛନ୍ତି।

ଟିନା ବି ଏହି ଭିଡିଓରେ ହନି ସିଂହଙ୍କ ଉପରେ ଖୁବ୍‌ ଭଲପାଇବା ଓଜାଡ଼ି ଦେଉଥିବା ଦେଖିବାକୁ ମିଳିଛନ୍ତି। ହନି ସିଂହ ଭିଡିଓରେ ‘ମେରି ଜାନ୍‌ ମେରି ଜାନ୍‌’ ଗୀତ ଗାଉଥିବା ବେଳେ ଟିନା ତାଙ୍କୁ ଚୁମ୍ବନ ଦେଉଥିବାର ଦେଖିବାକୁ ମିଳିଛି।