ଏ ମନ ଖୋଜୁଥାଏ ଯାହା, କାଳେ ପ୍ରାପତ ହୁଏ ତାହା। ପ୍ରଯୋଜନା କ୍ଷେତ୍ରରେ ପାଦ ଦେଇଥିବା ସୂର୍ଯ୍ୟକାନ୍ତ ଦିନେ ଭଲ ଭୂମିକାରେ ଅଭିନୟ କରିବାର ସ୍ବପ୍ନ ଦେଖିଥିଲେ। ତାଙ୍କର ସେଇ ସ୍ବପ୍ନ ଏବେ ପୂରଣ ହେବାକୁ ଯାଉଛି। ଚଳଚ୍ଚିତ୍ରର ଶୀର୍ଷକ ରହିଛି ‘ବାଳୀ: ଦ ସେଭିୟର୍’।
Sambad is now on WhatsApp
Join and get latest news updates delivered to you via WhatsApp
ଜଣେ ସାଧାରଣ ଯୁବକ ହେଇ ବସ୍ତିବାସିନ୍ଦାଙ୍କ ପାଇଁ ସେ କିପରି ନିଜ ଜୀବନକୁ ବାଜି ଲାଗାଇଦେଉଛି ତାହା ତାଙ୍କ ଚରିତ୍ରରେ ପ୍ରତିଫଳିତ ହେଇଛି। ଏଇ ଚଳଚ୍ଚିତ୍ରରେ ତାଙ୍କ ସହଯୋଗୀ, ପ୍ରେମିକା ଓ ଜୀବନସାଥୀ ଭୂମିକାରେ ଅବତୀର୍ଣ୍ଣ ହେଇଛନ୍ତିି ମାମା ସାମଲ। ଏ ଦୁହିଁଙ୍କ ବ୍ୟତୀତ କାହାଣୀର ଅନ୍ୟ ପ୍ରମୁଖ ଚରିତ୍ରରେ ଅଛନ୍ତି ଅଶ୍ରୁମୋଚନ ମହାନ୍ତି, ଚୌଧୁରୀ ଜୟପ୍ରକାଶ ଦାସ, ବାପି ରୟ। ସୂର୍ଯ୍ୟକାନ୍ତ ସାମଲଙ୍କ ପ୍ରଯୋଜନାରେ ପ୍ରସ୍ତୁତ ହେଇଥିବା ଏଇ ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି କେ. ମୁରଲୀକ୍ରିଷ୍ଣା।