କେବଳ ଗୋଟିଏ ସିନେମାରେ ନଜର ଆସିଛନ୍ତି ଏହି ଓଲିଉଡ ନାୟକ ଏ ବର୍ଷ
୨୦୧୭ରେ କେତେକ ଆଗ ଧାଡ଼ିର ନାୟକଙ୍କ କେବଳ ଗୋଟିଏ ସିନେମା ରିଲିଜ୍ ହୋଇଛି। ହଁ ,ସେମାନଙ୍କୁ ମାତ୍ର ଗୋଟିଏ ସିନେମାରେ ଦେଖିବାକୁ ପାଇଛନ୍ତି ଦର୍ଶକ। ଆସନ୍ତୁ ସେମାନଙ୍କ ଉପରେ ନଜର ପକାଇବା।
Sambad is now on WhatsApp
Join and get latest news updates delivered to you via WhatsApp
ସବ୍ୟସାଚୀ:- ଓଲିଉଡ଼୍ର ସୋବର ବୟ ସବ୍ୟସାଚୀଙ୍କ କ୍ୟାରିଅର୍ର ଏହା ପ୍ରଥମ ବର୍ଷ ଯେଉଁଥର ତାଙ୍କର କେବଳ ଗୋଟିଏ ଓଡ଼ିଆ ଛବି ମୁକ୍ତଲାଭ କରିଛି। ଏହି ଓଡ଼ିଆ ଛବି ହେଲା-‘ସୀତାରାମଙ୍କ ବାହାଘର କଳିଯୁଗରେ’।
ଆକାଶ:- ଓଲିଉଡ଼୍ର ଆଗଧାଡ଼ିର ଅନ୍ୟତମ ନାୟକ ଆକାଶ ବି ଏବର୍ଷ କେବଳ ଗୋଟିଏ ଛବିରେ ନଜର ଆସିଛନ୍ତିି।ଏହି ଫିଲ୍ମ ହେଲା ଏସ୍.କେ ମୁରଲିଧରନ୍ଙ୍କ ନିର୍ଦ୍ଦେଶିତ ‘ଜଷ୍ଟ୍ ମୋହବତ୍।ଏଥିରେ ଅର୍ଚ୍ଚିତାଙ୍କ ବିପକ୍ଷରେ ଦେଖା ଦେଇଥିଲେ ଆକାଶ।
ସମ୍ବିତ୍:- ସମ୍ବିତ୍ଙ୍କୁ ଦର୍ଶକ ୨୦୧୭ରେ କେବଳ ଗୋଟିଏ ଓଡ଼ିଆ ସିନେମାରେ ଦେଖିବାକୁ ପାଇଛନ୍ତି।ଏହା ହେଲା ଚନ୍ଦନ ମହାପାତ୍ରଙ୍କ ନିର୍ଦ୍ଦେଶିତ ‘ତୁମକୁ ଦେଖିବା ପରେ’।ଏଥିରେ ପ୍ରଥମ ଥର ପାଇଁ ଝିଲିକ୍ଙ୍କ ନାୟକ ବନିଥିଲେ ସମ୍ବିତ୍।
ସ୍ୱରାଜ୍:- ନବାଗତ ୟଙ୍ଗ୍ ସେନସେସନ୍ ସ୍ୱରାଜଙ୍କୁ ଦର୍ଶକ କେବଳ ଏବର୍ଷ ଗୋଟିଏ ଓଡ଼ିଆ ଛବି ‘ତୁ ମୋ’ ଲଭ୍ଷ୍ଟୋରି’ରେ ଦେଖିବାକୁ ପାଇଛନ୍ତି।ଚଳିତ ବର୍ଷ ତାଙ୍କର ଅନ୍ୟ ଏକ ସିନେମା ‘ଲୈଲା ଓ ଲୈଲା’ରିଲିଜ୍ ହେବାର ଥିଲା,ମାତ୍ର ତାହା ରିଲିଜ୍ ହୋଇ ନାହିଁ।
ଠିକ୍ ସେହିପରି ‘ମୁଁ ଗାନ୍ଧି ନୁହେଁ’ ଫେମ୍ କରଣଙ୍କୁ ବି କେବଳ ଗୋଟିଏ ସିନେମା ‘ଟିକେ ଅନାଡ଼ି ପୁରା ଖିଲାଡ଼ି’,ଦୁଷ୍ମନ୍ତଙ୍କୁ ‘ମୁଁ ଗୋଟିଏ ଦୁଷ୍ଟପିଲା’, ‘ଓ୍ଵାନଓ୍ଵ ଟ୍ରାଫିକ୍’ ଫେମ୍ ସମ୍ଭବଙ୍କୁ ‘ମିଠାମିଠା’,ଅ ଆ ହର୍ଷେଇ ଫେମ୍ ଅର୍ଦ୍ଧେନ୍ଦୁଙ୍କୁ ‘ଟପୋରି’ରେ ଦେଖିବାକୁ ପାଇଛନ୍ତି ସିନେପ୍ରେମୀ।