ପ୍ରଥମେ ନାସନାଲ୍ ସ୍କୁଲ୍ ଅଫ୍ ଡ୍ରାମାରେ ଅଭିନୟ ପ୍ରଶିକ୍ଷଣ କରିଥିଲେ ଅଭିନେତା ମନୋଜ ମିଶ୍ର। ତା’ପରେ ସେ ବି ଅନ୍ୟ କଳାକାରଙ୍କ ଭଳି ବଲିଉଡ଼୍ରେ କ୍ୟାରିଅର୍ କରିବାକୁ ଲାଗି ଆସିଥିଲେ ମୁମ୍ବାଇ। ସେଠି ବି ‘ମିଶନ୍ କାଶ୍ମୀର୍’,‘ସତ୍ତା’ଭଳି କେତୋଟି ହାତଗଣତି ହିନ୍ଦୀ ଫିଲ୍ମରେ ଅଭିନୟ କରିଥିଲେ ମନୋଜ।୨୦୦୩ରେ ପ୍ରଯୋଜକ ପ୍ରଦୀପ ଭୋଳ ମନୋଜ ମିଶ୍ରଙ୍କୁ ତାଙ୍କ ପ୍ରଯୋଜିତ ‘ସୁନାଶଂଖାଳି’ରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିବା ଲାଗି ଅଫର୍ ଦେଇଥିଲେ। ଏହାକୁ ସ୍ୱୀକାର କରି ମନୋଜ ଓଲିଉଡ଼୍କୁ ଆସିଥିଲେ।
Sambad is now on WhatsApp
Join and get latest news updates delivered to you via WhatsApp
ରବି କିନ୍ନାଗୀଙ୍କ ନିର୍ଦ୍ଦେଶିତ ତଥା ବଙ୍ଗଳା ଷ୍ଟାର୍ ଜିତ୍,ସ୍ୱସ୍ତିକା,ବର୍ଷା ପ୍ର୍ରିୟଦର୍ଶିନୀ,ମିହିର ଦାସ ଓ ହର ପଟ୍ଟନାୟକ ଅଭିନୀତ‘ସୁନାଶଂଖାଳି’ମନୋଜଙ୍କର ପ୍ରଥମ ସିନୋ ମହୋଇଥିଲେ ବି ଦର୍ଶକ ତାଙ୍କୁ ପ୍ରକୃତରେ ଚିହ୍ନିଥିଲେ ଲୋକପ୍ରିୟ ନିର୍ଦ୍ଦେଶକ ଚକ୍ରଧର ସାହୁଙ୍କ ସୁନୀଲ କୁମାର ,ଅନୁ ଚୌଧୁରୀ,ଆମେଲି ପ୍ରମୁଖ ଅଭିନୀତ ଫିଲ୍ମ ‘ତୁମକୁ ପାରୁନିତ ଭୁଲି’ରେ।ଏଥିରେ ଖଳନାୟକ ମୁନ୍ନା ଚରିତ୍ର ନିଭାଇ ବେଶ୍ ପ୍ରଶଂସା ସାଉଁଟିଥିଲେ ମନୋଜ ମିଶ୍ର।ଏହାପରେ ଆଉ ଓଲିଉଡ଼୍ରୁ ନିଜକୁ ଦୂରେଇ ରଖିନଥିବା ମନୋଜ ଇତିମଧ୍ୟରେ ୩୦ରୁ ଅଧିକ ଓଡ଼ିଆ ଛବିରେ ଅଭିନୟ କରିସାରିଲେଣି।
ଖୁବ୍ଶୀଘ୍ର ଦର୍ଶକ ତାଙ୍କୁ ଭେଟିବେ ପୁଣି ଏକ ଖଳନାୟକ ଚରିତ୍ରରେ।ଏଥିରେ ତାଙ୍କୁ ଜଣେ ରାଜନେତା ଭୂମିକାରେ ଦେଖିବାକୁ ମିଳିବ।ଏଠାରେ ଯେଉଁ ଓଡ଼ିଆ ସିନେମାର କଥା କୁହାଯାଉଛି,ତାହା ହେଲା ଶ୍ରୀଧର ମାର୍ଥାଙ୍କ ପ୍ରଯୋଜିତ ତଥା ନିରଞ୍ଜନ ବେହେରାଙ୍କ ନିର୍ଦ୍ଦେଶିତ ‘ଯୋଗୀ’।ଏଥିରେ ମନୋଜ ମିଶ୍ରଙ୍କୁ ପୁଣି ଥରେ ମିଳିଛି ଏକ ଦମ୍ଦାର୍ ଭୂମିକା।ସେ ଚଳିତ ବର୍ଷ ମୁକ୍ତିଲାଭ କରିଥିବା ଓଡ଼ିଆ ଛବି ‘ଗଡ଼୍ଫାଦର୍’ରେ ବି ଜଣେ ରାଜନେତା ଚରିତ୍ରରେ ନଜର ଆସିଛନ୍ତି। ହେଲେ ଯୋଗୀରେ ତାଙ୍କ ଚରିତ୍ରରେ ଭିନ୍ନତା ରହିଥିବା କୁହାଯାଉଛି।ଏଥିରେ ମହିଳା ରାଜନେତା ଭୂମିକାରେ ଥିବା ଅଭିନେତ୍ରୀ ସ୍ମିତା ମହାନ୍ତିଙ୍କ ସହିତ ମନୋଜ ମିଶ୍ରଙ୍କର ଜବରଦସ୍ତ ଟକ୍ରାଟକରି ରହିଛି,ଯାହା କାହାଣୀକୁ ଏକ ରୋଚକ ମୋଡ଼ ଦେଉଅଛି।