ଜାଣନ୍ତୁ ପ୍ରେମଈଶ୍ୱରଙ୍କୁ ପ୍ରାର୍ଥନା କରି କ’ଣ ଗୁହାରୀ କରୁଛନ୍ତି ପପୁ ? ମନୋସ୍କାମନା ପୂରଣ ହେବ ତ?
ଭୁବନେଶ୍ୱର: ନୂଆବର୍ଷ ପୂର୍ବରୁ ନିଜର କମେଡି ଦ୍ୱାରା ଓଡ଼ିଶାର ଯୁବପିଢ଼ିଙ୍କ ମଧ୍ୟରେ ବେଶ ଆଦୃତ ପପୁ ପମପମ ବା ତତ୍ୱ ପ୍ରକାଶ ଶତପଥୀ ନିଜ ଅନ୍ଦାଜରେ ଏକ ଭିନ୍ନ ଗୀତ ଗାଇଛନ୍ତି | ମାଣ୍ଡୁ ଯୋଜନା ନାମରେ ଏହି ଗୀତଟିକୁ ପପୁ ଗାଇଥିବାବେଳେ ପ୍ରେମ ଈଶ୍ୱରଙ୍କୁ ପ୍ରାର୍ଥନା କରୁଥିବାର ଦେଖିବାକୁ ମିଳିଛି | ସମ୍ପୂର୍ଣ୍ଣ ଦରଖାସ୍ତ ଢଙ୍ଗରେ ପପୁ ପ୍ରେମଈଶ୍ୱରଙ୍କୁ ପ୍ରାର୍ଥନା କରି କେବେ ଏହି ଯୋଜନା ଆରମ୍ଭ ହେବ ସେ ନେଇ କହୁଥିବାର ଦେଖିବାକୁ ମିଳିଛି | ତେବେ ଗୀତଟି କିଛି ଏଭଳି ସଂଳାପ ସହ ଗୀତଟି ଆରମ୍ଭ ହୋଇଛି |
Sambad is now on WhatsApp
Join and get latest news updates delivered to you via WhatsApp
‘ମା ପେଟର ପିଲାଠାରୁ ମଶାଣିକୁ ଯିବା ଲୋକ ସମସ୍ତଙ୍କ ପାଇଁ ଯୋଜନା, ସମସ୍ତଙ୍କୁ ଦେଉଛ ଆମ ବେଳକୁ ଜାକି ହେଉଛ, ହେ ପ୍ରଭୁ କେବେ ଦେବୁ’ ସଂଳାପ ପରେ ଗୀତ ଗାଉଛନ୍ତି ପପୁ | ଶେଷରେ ମାଣ୍ଡୁ ଯୋଜନା କାର୍ଯ୍ୟକାରୀ କରିବାକୁ ପପୁ ନିବେଦନ ମଧ୍ୟ କରୁଛନ୍ତି | ଏହି ଗୀତଟିକୁ ବିବେକ ଗୀତ ଲେଖିଥିବାବେଳେ ସତ୍ୟବ୍ରତ ଏହାର ସଂଗୀତ ନିର୍ଦ୍ଦେଶନା ଦେଇଛନ୍ତି |
ପପୁ ପମପମ କ୍ରିଏସନ ୟୁଟ୍ୟୁବ ଚ୍ୟାନେଲରେ ଏହି ଗୀତଟିକୁ ରିଲିଜ କରାଯାଇଥିବାବେଳେ ୪ ଘଣ୍ଟାରେ ୧୬ ହଜାର ଥର ଦର୍ଶକ ଏହାକୁ ଦେଖିଛନ୍ତି | ଏଠାରେ ସୂଚନା ଥାଉ କି କିଛି ଦିନ ତଳେ ନାଣ୍ଡି ଝିଅ କରିଦେଲା ନଣ୍ଡା ଶୀର୍ଷକରେ ପପୁ ଏକ ଗୀତ ଗାଇଥିଲେ | କେତେବେଳେ ବିବାଦୀୟ କମେଡି ସାଙ୍ଗକୁ କେତେବେଳେ ଅସଦାଚରଣର ଅଭିଯୋଗ ଲାଗିଥିବା ପପୁଙ୍କ ଏହି ଗୀତ ପ୍ରଶଂସା ସାଉଣ୍ଟୁଛି ନା ବିବାଦ ସୃଷ୍ଟି କରୁଛି ତାହା ତ ସମୟ ହିଁ କହିବ |