ନିର୍ଦ୍ଦେଶକ ଭାବେ ସୁଟିଂ ସେଟକୁ ଫେରିଲେ ପପୁ ପମ୍ ପମ୍
ଭୁବନେଶ୍ବର: ସୁଟିଂ ସେଟକୁ ଫେରିଲେ ଓଡ଼ିଶାର କମେଡି କିଙ୍ଗ ପପୁ ପମ୍ ପମ୍ । ଗତ କିଛି ମାସ ହେବ ଶାରୀରିକ ଅସୁସ୍ଥତାକୁ ନେଇ ଚର୍ଚ୍ଚାରେ ଥିବା ଓଲିଉଡ୍ କମେଡି କିଙ୍ଗ ପପୁ ପମ୍ ପମ୍ ସୁସ୍ଥ ହୋଇ ଫେରିଛନ୍ତି ଇଣ୍ଡଷ୍ଟ୍ରିକୁ । ୮ ମାସ ପରେ ସୁଟିଂ ସେଟରେ ପପୁ ପମପମଙ୍କୁ ଦେଖିବାକୁ ମିଳିଛି । ହେଲେ ଏଥର ଅଭିନୟ ନୁହେଁ, ନିର୍ଦ୍ଦେଶକ ହେବାକୁ ସ୍ଥିର କରିଛନ୍ତି ସେ ।
Sambad is now on WhatsApp
Join and get latest news updates delivered to you via WhatsApp
ଅକ୍ଷୟ ପରିଜା ଫିଲ୍ମସ ବ୍ୟାନରରେ ପ୍ରସ୍ତୁତ ହେବାକୁ ଥିବା ଆଗାମୀ ଓଡ଼ିଆ ଚଳଚ୍ଚିତ୍ର ‘ଚିରକୁଟ୍’ର କାହାଣୀ, ସଙ୍ଗୀତ ସହ ନିର୍ଦ୍ଦେଶନା ଦାୟିତ୍ୱ ବି ତୁଲାଇବେ ପପୁ ପମ୍ ପମ୍ । ଏହି ଅପକମିଂ ସିନେମାର ଶୁଭ ମହୁରତ ନିକଟରେ ଅନୁଷ୍ଠିତ ହୋଇଯାଇଛି । ଯେଉଁଠି ଏହି ଅପକମିଂ ସିନେମାର ପୁରା ଟିମ୍ ନଜର ଆସିଥିଲେ । ନୂଆ କଳାକାରଙ୍କୁ ନେଇ ସିନେମା ପ୍ରସ୍ତୁତ କରିବାକୁ ଯାଉଛନ୍ତି ଅଭିନେତା ପପୁ ପମ୍ ପମ୍ । ଫିଲ୍ମର ପ୍ରଯୋଜନା କରୁଛନ୍ତି ସୁନାମଧନ୍ୟ ପ୍ରଯୋଜକ ଅକ୍ଷୟ ପରିଜା ।