ସଂସଦରେ ରାଘବ ଭା‌ଷଣ ଦେଉଥିବାର ଭିଡିଓ ସେୟାର କରି ପରିଣୀତି ଦେଲେ ଏଭଳି ପ୍ରତିକ୍ରିୟା

ମୁମ୍ବାଇ: ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଗତ ବର୍ଷ ଆମ୍ ଆଦମୀ ପାର୍ଟି ନେତା ରାଘବ ଚଢ଼ାଙ୍କୁ ବିବାହ କରିଥିଲେ। ସୋସିଆଲ ମିଡିଆରେ ଉଭୟଙ୍କ ଯୋଡିକୁ ଲୋକେ ଖୁବ ପସନ୍ଦ ବି କରିଥିଲେ।

ପରିଣୀତି ପ୍ରାୟତଃ ସୋସିଆଲ ମିଡିଆରେ ରାଘବଙ୍କ ସହ ଫଟୋ ସେୟାର କରିଥାଆନ୍ତି। ବର୍ତ୍ତମାନ ଅଭିନେତ୍ରୀ ବିଦେଶରେ ଅଛନ୍ତି ଏବଂ ରାଘବ ଦିଲ୍ଲୀରେ ଅଛନ୍ତି।

ପରିଣୀତି ସ୍ବାମୀ ରାଜବଙ୍କୁ ମନେ ପକାଇ ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରି ସ୍ନେହପୂର୍ଣ୍ଣ କ୍ୟାପସନ ଦେଇଛନ୍ତି।

View this post on Instagram

A post shared by @parineetichopra

ଭିଡିଓରେ ପରିଣୀତି ଚୋପ୍ରା କ୍ୟାମେରାରେ ହସୁଥିବା ନଜର ଆସୁଛନ୍ତି। ଏହାପରେ ସେ କ୍ୟାମେରାକୁ ଲାପଟପ୍ ଆଡକୁ ବୁଲାଇ ଦେଇଛନ୍ତି, ଯେଉଁଥିରେ ରାଘବ ଚଢ଼ା ସଂସଦରେ ଭାଷଣ ଦେଉଥିବାର ଦେଖିବାକୁ ମିଳୁଛି।

ଏହି ଭିଡିଓ ସେୟାର କରି ପରିଣୀତି ଲେଖିଛନ୍ତି, ଯେତେବେଳେ ସେ ମାଇଲ୍ ମାଇଳ ଦୂରରେ ଅଛନ୍ତି ତାଙ୍କୁ ଦେଖିବାର ଏହା ହେଉଛି ଏକମାତ୍ର ଉପାୟ । ଏପରି ଭାବେ ଆମେ ଦୁହେଁ ଦୁହିଁଙ୍କ ସହିତ ଯୋଡ଼ି ହୋଇ ରହିଛୁ। ବହୁତ ମନେ ପଡ଼ଛ ରାଘବ।