କେବେ କୋୖଣସି ରାଜନେତାଙ୍କୁ ବିବାହ କରିବି ନାହିଁ, ଦିନେ ଏମିତି କହିଥିଲେ ପରିଣୀତି

ନୂଆଦିଲ୍ଲୀ: କିଛି ଦିନ ତଳେ ବଲିଉଡ ଅଭିନେତ୍ରୀ ପରିଣୀତି ଚୋପ୍ରା, ଆପ୍‌ ‌‌ନେତା ରାଘବ ଚଢ଼ାଙ୍କ ସହ ନଜର ଆସିବା ପରେ ଦୁହେଁ ପରସ୍ପରକୁ ଡେଟ୍ କରୁଥିବା ନେଇ ଚର୍ଚ୍ଚା ଆରମ୍ଭ ହୋଇଥିଲା। ଦୁହେଁ ଖୁବ ଶୀଘ୍ର ବିବାହ କରିବେ ବ‌ୋଲି ଶୁଣିବାକୁ ମିଳିଥିଲା। ତେବେ ଏନେଇ ପରିଣୀତି କି ରାଘବ ଚଢ଼ା ଏଯାବତ କୌଣସି ପ୍ରକାର ପ୍ରତିକ୍ରିୟା ଦେଇ ନଥିବା ବେଳେ ଅଭିନେତ୍ରୀଙ୍କ ଏକ ପୁରୁଣା ଭିଡିଓ ଭାଇରାଲ ହେବାରେ ଲାଗିଛି | ଏଥିରେ ସେ କହିଛନ୍ତି ଯେ କୌଣସି ରାଜନେତାଙ୍କୁ ସେ ବିବାହ କରିବେ ନାହିଁ | ପରିଣୀତି ଚୋପ୍ରା ଏବଂ ସିଦ୍ଧାର୍ଥ ମଲହୋତ୍ରାଙ୍କ ଏକ ଭିଡିଓ ଇନଷ୍ଟାଗ୍ରାମରେ ଭାଇରାଲ ହେଉଛି। ଏହି ସମୟରେ ଯେତେବେଳେ ତାଙ୍କୁ ପଚରାଗଲା ସେ କେଉଁ କଳାକାରଙ୍କୁ ବିବାହ କରିବାକୁ ଚାହୁଁଛନ୍ତି? ଏହା ଉପରେ ସେ ହଲିଉଡ ଅଭିନେତା ବ୍ରାଡ ପିଟଙ୍କ ନାମ ନେଇଥିଲେ। ଯେତେବେଳେ ତାଙ୍କୁ ନେତାଙ୍କ ବିଷୟରେ ପଚରାଗଲା |

ସେ କହିଥିଲେ, ମୁଁ କୌଣସି ରାଜନେତାଙ୍କୁ ବିବାହ କରିବାକୁ ଚାହୁଁନାହିଁ। ବହୁତ ବିକଳ୍ପ ଉପଲବ୍ଧ ଅଛି କିନ୍ତୁ ମୁଁ କୌଣସି ରାଜନେତାଙ୍କୁ ବିବାହ କରିବି ନାହିଁ | ସେହିଭଳି ଜୀବନସାଥିଙ୍କ ପାଖରେ କେଉଁ ସବୁ ଗୁଣ ଥିବା ଆବଶ୍ୟକ ପ୍ରଶ୍ନରେ ସେ କହିଥିଲେ ଯେ ତାଙ୍କ ଜୀବନସାଥୀ ଗମ୍ଭୀର ନୁହେଁ ବରଂ ମଜା କରୁଥିବା ଆବଶ୍ୟକ | ସେ ତାଙ୍କୁ ସମ୍ମାନ ଦେଉଥିବା ଆବଶ୍ୟକ ଓ ସବୁବେଳେ ହସୁଥିବା ଆବଶ୍ୟକ |