ମୁମ୍ବାଇ: ୟୁଟ୍ୟୁବର ଅର୍ମାନଙ୍କ ପରି ତାଙ୍କର ଦୁଇ ପତ୍ନୀ ପା୍ୟଲ୍  ଓ କୃତ୍ତିକା ବି ଖୁବ୍‌ ଲୋକପ୍ରିୟ। କରଣ, ପାୟଲ୍‌ ଓ କୃତ୍ତିକାଙ୍କର ଭିନ୍ନ ଭିନ୍ନ ୟୁଟ୍ୟୁବ୍‌ ଚ୍ୟାନେଲ୍‌ ଅଛି। ବ୍ଲଗିଂ ସାଥେ ସାଥେ ସେ ଦୁହେଁ ଅନେକ ମ୍ୟୁଜିକ୍‌ ଭିଡିଓରେ ବି ନଜର ଆସି ସାରିଛନ୍ତି। ଅର୍ମାନ ମଲ୍ଲିକ ଏକ ବିଳାସମୟ ଜୀବନ ବଞ୍ଚୁଥିବା ବେଳେ ତାଙ୍କର ଦୁଇ ପତ୍ନୀ କୃତ୍ତିକା ଓ ପାୟଲଙ୍କର ବି କେବେ କୌଣସି ଅଭାବ ରଖିନଥାନ୍ତି। ନିକଟ ଅତୀତରେ ଦୁଇ ଜଣକ ଯାକ ମାଆ ବନିଛନ୍ତି।

Advertisment

ଅନେକ ଗୁଡ଼ାଏ କାରଣରୁ ନେଇ ଅର୍ମାନଙ୍କ ପୂରା ପରିବାର ସୋସିଆଲ୍‌ ମିଡିଆରେ ଅଧିକାଂଶ ସମୟରେ ଚର୍ଚ୍ଚା ପାଲଟି ଥାଆନ୍ତି। ନିକଟରେ ଅର୍ମାନଙ୍କ ପ୍ରଥମ ପତ୍ନୀ ପାଏଲଙ୍କୁ ସୋସିଆଲ୍‌ ମିଡିଆରେ ଖୁବ୍‌ ସମାଲୋଚିତ କରିଛନ୍ତି। ପାଏଲଙ୍କର ଏକ ଭିଡିଓ ଦେଖିବା ପରେ କ୍ଷୋଭ ପ୍ରକାଶ କରିଛନ୍ତି ଟ୍ରୋଲର୍ସ।

ଭିଡିଓରେ ପାୟଲ୍‌ ତାଙ୍କର ନବଜାତ ଝିଅ ତୁବାଙ୍କୁ କାଖରେ ଧରି ନାଚୁଥିବାର ନଜର ଆସିଛନ୍ତି। ଜଣେ ମାଆ ନିଜର କଅଁଳା ଛୁଆକୁ ଧରି ଯତ୍ନହୀନ ଭାବେ ରିଲ୍ସ ବନାଇବା ସୋସିଆଲ୍‌ ମିଡଆ ବ୍ୟବହାରକାରୀଙ୍କୁ ପସନ୍ଦ ଆସିନାହିଁ। ରିଲ୍ସ ଅପେକ୍ଷା ନିଜ ଛୁଆ ଗୁରତ୍ବପୂର୍ଣ୍ଣ ହେବା ଉଚିତ ବୋଲି କେହି କେହି ମତ ରଖିଛନ୍ତି।

ତେବେ ଏହା ସମସ୍ତଙ୍କୁ ଯେ ଖରାପ ଲାଗିଛି ତାହା ନୁହେଁ, କେହି କେହି ସୋସିଆଲ୍‌ ମିଡିଆ ବ୍ୟବହାରକାରୀ ମାଆ ଓ ଛୁଆଙ୍କର ଏହି ସୁନ୍ଦର ମୁହୂର୍ତ୍ତର ଭିଡିଓକୁ ଖୁବ୍ ଉପଭୋଗ ବି କରିଛନ୍ତି।