ମୁମ୍ବାଇ: ଲୋକପ୍ରିୟ ଫେସନ୍ ପତ୍ରିକା ପେପର୍ ମାଗାଜିନ୍ ପାଇଁ ଅଭିନେତା ରଣବୀର ସିଂହ କରିଥିବା ନଗ୍ନ ଫଟୋସୁଟ୍ ପାଇଁ ଚର୍ଚ୍ଚା ଥମି ନଥିବାବେଳେ ଏବେ ପୁଣି ତାଙ୍କୁ ଏଭଳି କରିବାକୁ ଅଫର ମିଳିଛି | ପୂର୍ବରୁ ରଣବୀର ସିଂହ କରିଥିବା ନଗ୍ନ ଫଟୋସୁଟ୍ ସୋସିଆଲ୍ ମିଡିଆରେ ଭାଇରାଲ୍ ହେବା ପରେ ତାଙ୍କ ବିରୋଧରେ ମାମଲା ରୁଜୁ ହୋଇଥିଲା। ମହିଳାଙ୍କ ଭାବନାକୁ ଆଘାତ ହେଇଥିବା ଅଭିଯୋଗରେ ମୁମ୍ବାଇ ପୁଲିସ୍ ଅଭିନେତାଙ୍କ ବିରୋଧରେ ମାମଲା ରୁଜୁ କରିଥିଲା। ଯଦିଓ ରଣଵୀର ଏହି ସମଗ୍ର ବିବାଦକୁ ନେଇ ନିରବ ରହିଥିବା ବେଳେ ବର୍ତ୍ତମାନ ପୁଣି ଏକ ନଗ୍ନ ଫଟୋସୁଟ୍ କରିବାକୁ ପ୍ରସ୍ତାବ ଆସିଛି | ଏଥର ଏହି ଫଟୋସୁଟ କୌଣସି ପତ୍ରିକା ପାଇଁ ନୁହେଁ ବରଂ ଏକ ସଂସ୍ଥା ପାଇଁ |
Sambad is now on WhatsApp
Join and get latest news updates delivered to you via WhatsApp
ପିପୁଲ ଫର ଦି ଏଥିକାଲ ଟ୍ରିଟମେଣ୍ଟ ଅଫ ଆନିମଲସ୍ (PETA) ପକ୍ଷରୁ ରଣବୀରଙ୍କୁ ଏକ ନଗ୍ନ ଫଟୋସୁଟ୍ କରିବାକୁ ଅନୁରୋଧ କରାଯାଇଛି | ରଣବୀର ସିଂଙ୍କୁ ଅନୁରୋଧ କରି ପେଟା ଏକ ଚିଠି ଲେଖିଛି। ‘ପେଟା’ର ଏହି ଚିଠି ସୋସିଆଲ ମିଡିଆରେ ମଧ୍ୟ ବହୁତ ଭାଇରାଲ ହେବାରେ ଲାଗିଛି | ଏହି ଚିଠିରେ ଲେଖାଯାଇଛି ଯେ “ପେପର ମାଗାଜିନ ପାଇଁ ଆପଣଙ୍କର ଫଟୋସୁଟ ଆମେ ଦେଖିଛୁ |
ଆମେ ମଧ୍ୟ ଆଶା କରୁଛୁ ଆପଣ ଆମ ପାଇଁ ପ୍ୟାଣ୍ଟ ଖୋଲିବେ | ପଶୁମାନଙ୍କ ପ୍ରତି ଭଲପାଇବାକୁ ପ୍ରୋତ୍ସାହନ କରିବାକୁ ଆପଣ ପେଟା ପାଇଁ ନଗ୍ନ ହୋଇପାରିବେ କି? ଉଦାହରଣ ସ୍ୱରୂପ, ଆମେ ପାମେଲା ଆଣ୍ଡରସନଙ୍କ ଏକ ଫଟୋ ସଂଲଗ୍ନ କରିଛୁ। “ତେବେ ରଣବୀରଙ୍କ ପ୍ରତିକ୍ରିୟା କଣ ହେବ, ତାହା ତା ସମୟ ହିଁ କହିବ |