ଫିଲ୍ମ କରିବାକୁ ସୁଶାନ୍ତଙ୍କ ପାଖରେ ସମୟ ନ ଥିଲା: ସଞ୍ଜୟ ଲୀଲା ଭନସାଲୀ
ମୁମ୍ବାଇ: ଅଭିନେତା ସୁଶାନ୍ତ ସିଂଙ୍କ ମୃତ୍ୟୁକୁ ନେଇ ଚଳଚ୍ଚିତ୍ର ନିର୍ମାତା ସଞ୍ଜୟ ଲୀଲା ଭନସାଲୀଙ୍କୁ ପୁଲିସ ପଚରାଉଚୁରା କରିଛି | ସୁଶାନ୍ତ ସିଂ ରାଜପୁତଙ୍କୁ ନେଇ ଚାରୋଟି ଚଳଚ୍ଚିତ୍ର ନିର୍ମାଣ କରିବାକୁ କଥା ଦେଇଥିବା ସଞ୍ଜୟ କାହିଁକି ତାଙ୍କୁ ସୁଯୋଗ ଦେଇନଥିଲେ ତାହାକୁ ନେଇ ପ୍ରଶ୍ନ କରାଯାଇଥିଲା | ସଞ୍ଜୟ ପୁଲିସକୁ କହିଛନ୍ତି ଯେ ସୁଶାନ୍ତଙ୍କ ପାଖରେ ତାଙ୍କ ଫିଲ୍ମ ପାଇଁ ସମୟ ନଥିଲା | ତେଣୁ ଅନ୍ୟ ଅଭିନେତାଙ୍କୁ ଏହି ୪ଟି ଫିଲ୍ମ ଦିଆଯାଇଥିଲା |
Sambad is now on WhatsApp
Join and get latest news updates delivered to you via WhatsApp
ଗତକାଲି ତିନି ଘଣ୍ଟା ଧରି ପୁଲିସ ସଞ୍ଜୟ ଲୀଲା ଭନସାଲୀଙ୍କର ବୟାନ ରେକର୍ଡ କରିଥିଲା । ପ୍ରଡକ୍ସନ୍ ହାଉସ୍ ସହିତ ଅଭିନେତାଙ୍କ ଚୁକ୍ତିନାମା ଏବଂ ପ୍ରୋଜେକ୍ଟ ବାବଦରେ ପୁଲିସ ଅନୁସନ୍ଧାନ କରୁଛି। “ପଦ୍ମାବତ” ଏବଂ “ରାମ-ଲୀଲା” ଭଳି ବ୍ଲକବଷ୍ଟର ସିନେମାର ନିର୍ଦ୍ଦେଶକ ଭାବେ ଜଣାଶୁଣା ଶ୍ରୀ ଭନସାଲୀ ପୋଲିସକୁ କହିଛନ୍ତି ଯେ ସୁଶାନ୍ତ ସିଂ ରାଜପୁତଙ୍କ ପାଖରେ ତାଙ୍କ ଫିଲ୍ମ ପାଇଁ ତାରିଖ ନଥିଲା, ତେଣୁ ଏହି ଭୂମିକା ଅନ୍ୟ କଳାକାରମାନଙ୍କୁ ପ୍ରଦାନ କରାଯାଇଥିଲା।
ପୁଲିସ କହିଛି ଯେ ଯେଉଁଠାରେ ସୁଶାନ୍ତ ସିଂ ରାଜପୁତ ରହୁଥିଲେ ସେହି ବିଲ୍ଡିଂର ସୁରକ୍ଷା ଫୁଟେଜ୍ ମଧ୍ୟ ଯାଞ୍ଚ କରାଯାଉଛି। ତାଙ୍କ ଆପାର୍ଟମେଣ୍ଟରେ କୌଣସି ସିସିଟିଭି ନଥିଲା।