ମୁମ୍ବାଇ: ‘ବାହୁବଲୀ’ ସିନେମାରେ ଜବରଦସ୍ତ ଅଭିନୟ କରି ସାରା ବିଶ୍ୱରେ ଖ୍ୟାତି ଅର୍ଜନ କରିଥିବା ଅଭିନେତା ପ୍ରଭାସ ଏବେ ନିଜର ବ୍ୟକ୍ତିଗତ କାରଣରୁ ପୁଣି ଚର୍ଚ୍ଚାରେ ରହିଛନ୍ତି। ଏବେ ତାଙ୍କ ନାଆଁରେ ଅଭିଯୋଗ ହୋଇଛି ଯେ ସେ ସରକାରୀ ଜମି ମାଡ଼ି ବସିଛନ୍ତି। ଏହି ଅଭିଯୋଗ ଆସିବାପରେ ତେଲଙ୍ଗାନାର ରାଜସ୍ୱ ବିଭାଗ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ତେଲଙ୍ଗାନାର ରାଜସ୍ୱ ବିଭାଗ ହାଇଦ୍ରାବାଦର ରାୟଦୁର୍ଗମସ୍ଥିତ ପ୍ରଭାସଙ୍କର ଏକ ଗେଷ୍ଟ ହାଉସ୍ର ନିର୍ମାଣ କାର୍ଯ୍ୟ ୮୪ ଏକର ଜମି ଉପରେ ଚାଲିଥିଲା। ତାକୁ ବନ୍ଦ କରି ଦିଆଯାଇଛି।
ସୁପ୍ରିମ କୋର୍ଟଙ୍କ ନିର୍ଦ୍ଦେଶ କ୍ରମେ ପ୍ରଭାସଙ୍କ ବିରୁଦ୍ଧରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ସୁପ୍ରିମ କୋର୍ଟ ଦର୍ଶାଇଥିିଲେ ଯେ ସର୍ଭେ ନମ୍ବର ୪୬ରେ ରାୟଦୁର୍ଗମରେ ପ୍ରଭାସଙ୍କର ଥିିବା ୮୪ ଏକର ଜାଗା ସରକାରୀ ଅଟେ। ତା’ପରେ ଏସବୁ ଜମି ଓ ସେଥିରେ ଥିବା ସମସ୍ତ ସଂପତ୍ତିକୁ ମଧ୍ୟ ରାଜସ୍ୱ ବିଭାଗ ନିଜ ଅଧିନକୁ ଆଣିଛି। ଏହି ନିଷ୍ପତ୍ତି ଦୁଇ ମାସ ତଳେ ଆସିଥିବା ପରେ ତେଲେଙ୍ଗାନାରେ ବିଧାନସଭା ନିର୍ବାଚନ ହେତୁ କାର୍ଯ୍ୟାନୁଷ୍ଠାନ ହୋଇ ପାରିନଥିଲା।
Sambad is now on WhatsApp
Join and get latest news updates delivered to you via WhatsApp
ଏଠାରେ ସୂଚନାଯୋଗ୍ୟ ଯେ ପୂର୍ବରୁ ବାହୁବଲୀ ଫେମ୍ ପ୍ରଭାସ ଏବଂ କଙ୍ଗନା ରାନାଓ୍ଵତଙ୍କବିବାଦ ଏକଦା ଖୁବ୍ ଚର୍ଚ୍ଚିତା ହୋଇଥିଲା।‘ଏକ୍ ନିରଂଜନ’ ଟାଇଟଲରେ ତିଆରି ହୋଇଥିବା ତେଲୁଗୁ ଫିଲ୍ମର ସୁଟିଂ ସମୟରେ ପ୍ରଭାସଙ୍କ ସହିତ କଙ୍ଗନାଙ୍କର ମନୋମାଳିନ୍ୟ ହୋଇଥିଲା । ଏପରିକି ଉଭୟଙ୍କ ଭିତରେ ଝଗଡା ବି ହୋଇଥିଲା । ଏହାପରେ କଙ୍ଗନା କେବେ ବି ପ୍ରଭାସଙ୍କ ସହିତ କଥା ହୋଇ ନାହାନ୍ତି କି ଅନ୍ୟ କୌଣସି ଫିଲ୍ମରେ କାମ କରି ନାହାନ୍ତି ।