ନୂଆଦିଲ୍ଲୀ: ସେଲଫି ନେବା ପରେ ସାଉଥ ସୁପରଷ୍ଟାର ପ୍ରଭାସଙ୍କୁ ଚାପୁଡା ମାରିଲେ ମହିଳା। ଭାଇରାଲ ହେଲା ଭିଡିଓ। ତେବେ ଭାଇରାଲ ହେଉଥିବା ଭିଡିଓଟି ୨୦୧୯ର ହୋଇଥିବା ବେଳେ ଏବେ ତାହା ପୁଣି ଥରେ ଚର୍ଚ୍ଚାକୁ ଆସିଛି।

Advertisment

ମିଳିଥିବା ସୂଚନା ମୁତାବକ, ପ୍ରଭାସ ତାଙ୍କର ଆଗାମୀ ସିନେମା ‘ସାହୋ’ର ସୁଟିଂ ପାଇଁ ଲସ୍ଏଂଜେଲସ୍ ଯାଇଥିବା ବେଳେ ଘଟଣାଟି ଘଟିଥିଲା । ସୋସିଆଲ ମିଡିଆରେ ଭାଇରାଲ ହେଉଥିବା ପ୍ରଭାସଙ୍କର ଏହି ଭିଡିଓରେ ଦେଖିବାକୁ ମିଳିଛି କି, ପ୍ରଭାସଙ୍କୁ ହଠାତ୍ ଅତି ନିକଟରେ ଦେଖି ଜଣେ ପ୍ରଶଂସକ ଅତ୍ୟନ୍ତ ଉତ୍ସାହିତ ହୋଇପଡୁଛନ୍ତି । ଏହା ପରେ ସେ ତାଙ୍କ ସହ ଏକ ଫଟୋ ଉଠାଇବାକୁ ଅନୁରୋଧ କରୁଛନ୍ତି। ଏହାପରେ ପ୍ରଭାସ ତାଙ୍କ କଥାକୁ ଟାଳିନପାରି ଫଟୋ ଉଠାଇବାକୁ ପୋଜ୍ ଦେଉଛନ୍ତି।

ଫଟୋ ଉଠାଇ ସାରିବା ପରେ ପ୍ରଶଂସକ ଜଣଙ୍କ ପ୍ରଭାସଙ୍କ ଗାଲକୁ ପାପୁଲିରେ ଛୁଇଁବାକୁ ଚେଷ୍ଟା କରୁଛନ୍ତି । ହେଲେ ତାଙ୍କ ହାତ ପ୍ରଭାସଙ୍କ ଗାଲରେ ଟିକେ ଜୋରରେ ଲାଗିଯାଇଥିବାରୁ ମହିଳାଜଣକ ତାଙ୍କୁ ଚାପୁଡ଼ା ମାରିବା ଭଳି ଦେଖାଯାଉଛି। ଏହି ଭିଡିଓଟି ୨୦୧୯ର ହୋଇଥିବା ବେଳେ ଏବେ ତାହା ଭାଇରାଲ ହେଉଛି। ତେବେ ସେ ସମୟରେ ପ୍ରଶଂସକଜଣକ ରାଗରେ ନୁହେଁ ବରଂ ଅଭିନେତାଙ୍କ ଗାଲକୁ ଶ୍ରଦ୍ଧାରେ ଛୁଇଁଥିଲେ ବୋଲି ଜଣାପଡ଼ିିଛି।