ଅନୁଷ୍କା ନୁହନ୍ତି, ଏହି ବଲିଉଡ୍ କୁଇନ୍ଙ୍କୁ ଡେଟ୍ କରିବାକୁ ଚାହୁଁଛନ୍ତି ପ୍ରଭାସ!
ମୁମ୍ବାଇ : ବାହୁବଲୀ ପ୍ରଭାସ କେବେ ଏବଂ କାହାକୁ ବିବାହ କରିବେ ସେ ନେଇ ଅନେକ ସମୟରେ ଚର୍ଚ୍ଚା ଲାଗି ରହିଥାଏ । ଫିଲ୍ମ ‘ବାହୁବଲୀ’ ରିଲିଜ୍ ହେବା ପରେ ଅଭିନେତ୍ରୀ ଅନୁଷ୍କା ସେଟ୍ଟୀଙ୍କ ସହ ତାଙ୍କ ଯୋଡ଼ିକୁ ଦର୍ଶକ ପସନ୍ଦ କରିବା ସହ ଦୁହେଁ ବିବାହ କରନ୍ତୁ ବୋଲି ଇଚ୍ଛା ଜାହିର କରିଥିଲେ । ଏହା ସହ ଅନେକ ସମୟରେ ଦୁହେଁ ପରସ୍ପରକୁ ଡେଟ୍ କରୁଥିବାର ମଧ୍ୟ ଖବର ଆସୁଥିବା ବେଳେ ଏବେ ସତ ସାମ୍ନାକୁ ଆସିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଭିନେତା ପ୍ରଭାସ,ବାହୁବଲୀ ନିର୍ଦ୍ଦେଶକ ରାଜମୌଲୀ ଏବଂ ଅଭିନେତା ରାଣା ଦଗ୍ଗୁବତୀଙ୍କୁ କିଛି ଦିନ ତଳେ କଫି ଉଇଥ୍ କରଣରେ ଦେଖିବାକୁ ମିଳିଥିଲା । ୩ ଜଣ କରଣଙ୍କ ସୋ’କୁ ଆସି ଅନେକ ରାଜ୍ର ଖୁଲାସା କରିଥିଲେ । ଏହି ସମୟରେ ଅନୁଷ୍କାଙ୍କୁ ଡେଟ୍ କରୁଥିବା କଥାକୁ ନେଇ ମଧ୍ୟ ପ୍ରଭାସଙ୍କୁ ପ୍ରଶ୍ନ ପଚରାଯାଇଥିଲା । ପ୍ରଶ୍ନର ଉତ୍ତରରେ ସେ ନାଁ ବୋଲି କହିଥିଲେ । ପରେ ସେ କାହାକୁ ଡେଟ୍ କରିବାକୁ ଚାହଁନ୍ତି ବୋଲି ପ୍ରଶ୍ନ କରାଯିବା ପରେ ରାଣା ବଲିଉଡ୍ ଅଭିନେତ୍ରୀ କ୍ୟାଟ୍ରିନା କୈଫ୍ଙ୍କ ନାଁ କହିଥିଲେ, ଯାହା ଶୁଣି ହସିବାକୁ ଲାଗିଥିଲେ ପ୍ରଭାସ । ତାଙ୍କ ହସରୁ ସେ ସତରେ କ୍ୟାଟ୍ରିନାଙ୍କୁ ଡେଟ୍ କରିବାକୁ ଚାହୁଁଥିବା ଜଣା ପଡ଼ିଥିଲା ।