ଟ୍ରୋଲରଙ୍କୁ କଡ଼ା ଜବାବ ଦେଲେ ପ୍ରକାଶ ରାଜ୍; କହିଲେ ମୁଁ ତ ସ୍ବରା ଭାସ୍କରଙ୍କ ମେଲ୍ ଭର୍ସନ୍, ତୁମେ କାହାର ଭର୍ସନ୍ ?

ମୁମ୍ବାଇ: ବଲିଉଡ ସମ୍ପର୍କିତ ଘଟଣା ସୋସିଆଲ ମିଡିଆରେ ବର୍ତ୍ତମାନ ବହୁତ ଟ୍ରେଣ୍ଡ ହେଉଥିବା ଦେଖିବାକୁ ମିଳୁଛି । କିଛିଦିନ ହେବ ବଲିଉଡ ସୁପରଷ୍ଟାର ଶାହରୁଖ ଖାନ୍ ଓ ଟଲିଉଡ୍ ସୁପରଷ୍ଟାର ପ୍ରକାଶ ରାଜଙ୍କୁ ନେଇ ସୋସିଆଲ ମିଡିଆରେ ଉଷ୍ମତା ଦେଖିବାକୁ ମିଳିଛି ।  ଏମିତି  ଏକ ଘଟଣାକୁ ନେଇ କିଛି ଲୋକ ଶାହାରୁଖ ଖାନଙ୍କୁ ଟାର୍ଗେଟ କରିଥିଲେ, ଯେଉଁଥିରେ ଅଭିନେତା ପ୍ରକାଶ ରାଜ ଶାହରୁଖ ଖାନ୍ ଓ ତାଙ୍କ ପରିବାରକୁ ସମର୍ଥନ କରି ସ୍ୱର ଉଠାଇଥିଲେ । ଏହାକୁ ନେଇ ପ୍ରକାଶ ରାଜଙ୍କୁ ମଧ୍ୟ ଟାର୍ଗେଟ କରାଯାଇଥିଲା । ଏପରିକି ତାଙ୍କୁ ଅଭିନେତ୍ରୀ 'ସ୍ୱରା ଭାସ୍କରଙ୍କ ମେଲ ଭର୍ସନ୍’ ବୋଲି କହାଯାଇଥିଲା ।  ଅଭିନେତା ପ୍ରକାଶ ରାଜ ଏହି ମନ୍ତବ୍ୟକୁ ନେଇ କଡ଼ା ଜବାବ ଦେଇଛନ୍ତି । ସୋସିଆଲ ମିଡିଆରେ ଆମୀର ଖାନଙ୍କ ଫିଲ୍ମ 'ଲାଲ ସିଂ ଚଡ୍ଡା'କୁ ବଏକଟ୍ କରିବାକୁ କ୍ୟାମ୍ପେନ୍ କରାଯାଇଥିଲା। ଏବେ ଆମୀର ଖାନଙ୍କ ପରେ ଶାହାରୁଖ ଖାନଙ୍କୁ ମଧ୍ୟ ଟାର୍ଗେଟ କରାଯାଉଛି । ନିକଟରେ କିଛି ସୋସିଆଲ ମିଡିଆ ବ୍ୟବହାରକାରୀ ଶାହାରୁଖ ଖାନଙ୍କ ଏକ ପୁରୁଣା ଭିଡିଓ ଭାଇରାଲ କରିଥିଲେ। ଏହି ଭିଡିଓରେ ଶାହାରୁଖ ଦେଶର ଅବସ୍ଥା ବିଷୟରେ ଆଲୋଚନା କରୁଛନ୍ତି । ସେବେଠାରୁ ତାଙ୍କ ଚଳଚ୍ଚିତ୍ର 'ପଠାନ୍'ର ବଏକଟ୍ ଟ୍ୱିଟରରେ ଟ୍ରେଣ୍ଡ କରିବା ଆରମ୍ଭ କରିଥିଲା ।

ଏହାକୁ ନେଇ ଅଭିନେତା ପ୍ରକାଶ ରାଜ ଶାହରୁଖ ଖାନଙ୍କୁ ସମର୍ଥନ କରି ଏକ ଟ୍ୱିଟ କରିଥିଲେ ।  ଟୁଇଟ୍ ସହିତ ଏକ ଭିଡିଓ ମଧ୍ୟ ପୋଷ୍ଟ କରିଥିଲେ। ଯେଉଁଥିରେ ଶାହାରୁଖ ଜଣେ ଭିନ୍ନକ୍ଷମ ଝିଅ ସହିତ ନାଚୁଥିବାର ନଜର ଆସୁଛନ୍ତି । ଏହାର କ୍ୟାପସନରେ ଲେଖା ଅଛି, 'ଶାହରୁଖ ଓ ତାଙ୍କ ପରିବାରକୁ କେହି କିପରି ଟାର୍ଗେଟ୍ କରିପାରିବ ? ଯିଏ ବର୍ଷ ବର୍ଷ ଧରି ଦେଶକୁ ପ୍ରେମ ଓ ସୁଖ ଦେଇଆସୁଛନ୍ତି । ଏହାକୁ ସେୟାର୍ କରି ପ୍ରକାଶ ରାଜ କ୍ୟାପସନରେ ଲେଖିଛନ୍ତି ‘ଜଷ୍ଟ୍ ଆସ୍କିଙ୍ଗ୍’ ଅର୍ଥାତ୍ କେବଳ ପଚାରୁଛି । କିଛି ସୋସିଆଲ ମିଡିଆ ବ୍ୟବହାରକାରୀ ପ୍ରକାଶ ରାଜଙ୍କୁ ଟ୍ରୋଲ କରି ତାଙ୍କୁ 'ସ୍ୱରା ଭାସ୍କରଙ୍କ ମେଲ ଭର୍ସନ୍’ ବୋଲି କହିଥିଲେ । ଏହାର ଜବାବରେ ପ୍ରକାଶ ରାଜ ଟୁଇଟ୍ କରି ଲେଖିଛନ୍ତି, 'ସ୍ୱରା ଭାସ୍କରଙ୍କ ମେଲ ଭର୍ସନ୍ ଭାବେ ମୁଁ ସମ୍ମାନିତ, କିନ୍ତୁ ତୁମେ କାହାର ଭର୍ସନ୍ ?' ପ୍ରକାଶ ରାଜଙ୍କ ଏହି ଟୁଇଟ୍ ଉପରେ ସ୍ୱରା ଭାସ୍କର ମଧ୍ୟ ପ୍ରତିକ୍ରିୟା ପ୍ରକାଶ କରିଛନ୍ତି, ସେ ହାତ ଯୋଡାଥିବା ଇମୋଜିକୁ ସେୟାର କରି ଲେଖିଛନ୍ତି – ‘ସାର୍, ସାର୍, ଆପଣ ସବୁଠୁ ବଡ଼ ଭର୍ସନ୍।’