ପ୍ରେମ୍ ଆନନ୍ଦ ସ୍ୱର କଲେ, ଗାଇଲେ ବାବୁସାନ
ଭୁବନେଶ୍ୱର: ପ୍ରେମ୍ ଆନନ୍ଦ ସ୍ୱର କଲେ ଏବଂ ଗୀତ ଗାଇଲେ ଓଲିଉଡ୍ ସେନସେସନ ବାବୁସାନ । ଏବେ ଏଇ କଥାକୁ ନେଇ ଓଲିଉଡ୍ରେ ଚର୍ଚ୍ଚା। ସୁବ୍ରତ ସ୍ୱାଇଁଙ୍କ ଲିଖିତ ‘ ମୁସ୍କିଲ ହେ ଜିନା, ତେରେ ବିନା’ ଗୀତଟିକୁ ଆଜି କଟକର ମିଲନ ଷ୍ଟୁଡିଅରେ ଗାଇଛନ୍ତି ବାବୁସାନ । ଏଥିରେ ଅନ୍ୟତମ ଗାୟିକା ଭାବେ ଦିପ୍ତୀରେଖା ପାଢ଼ୀ ଥିବା ବେଳେ ଆସନ୍ତା ଜାନୁଆରୀ ମାସରେ ଏହି ସିନେମା ରିଲିଜ୍ ହେବ । ତେବେ ଏହି ସିନେମାର ନାମ ରହିଛି ‘ ଅଜବ ସଞ୍ଜୁର ଗଜବ ଲଭ୍’ ।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ଅଭିଜିତ୍ ମଜୁମ୍ଦାର, ଅନୁଭବ ମହାନ୍ତି, ସବ୍ୟସାଚୀ ମିଶ୍ରଙ୍କ ପ୍ରେମ୍ ଆନନ୍ଦଙ୍କ ସଂଗୀତ ନିର୍ଦ୍ଦେଶନାରେ ଗୀତ ଗାଇଥିବା ବେଳେ ଆଜି ବାବୁସାନ ଗାଇଛନ୍ତି ଗୀତ । ଏ ସଂପର୍କରେ ପ୍ରେମ୍ ଆନନ୍ଦ କହିଛନ୍ତି, ସୁବ୍ରତ ସ୍ୱାଇଁଙ୍କ ଲିଖିତ ‘ ମୁସ୍କିଲ ହେ ଜିନା, ତେରେ ବିନା’ ଗୀତଟି ଯେତିକି ଚମତ୍କାର ହୋଇଛି, ବାବୁସାନ ବି ତାକୁ ଅତ୍ୟନ୍ତ ଚମତ୍କାର ଢ଼ଙ୍ଗରେ ଗାଇଛନ୍ତି। ଯାହା ସ୍ରୋତାଙ୍କୁ ଭଲ ଲାଗିବ ବୋଲି ସେ କହିଛନ୍ତି ।