ପ୍ରିୟା ପ୍ରକାଶଙ୍କ ବଲିଉଡ୍ ଡେବ୍ୟୁ ଫିଲ୍ମ ଶ୍ରୀଦେବୀ ବଙ୍ଗ୍ଲୋ ଉପରେ ବୋନି କପୁରଙ୍କ ନଜର, ପ୍ରୋଜେକ୍ଟ ବନ୍ଦ କରିବାକୁ ଆରମ୍ଭ କଲେ ପ୍ରସ୍ତୁତି
ମୁମ୍ବାଇ: ମଲାୟାଲମ ଫିଲ୍ମର ଏକ ଗୀତରେ ଆଖି ମାରି ସମସ୍ତଙ୍କ ଉପରେ ଯାଦୁ କରିଥିଲେ ଅଭିନେତ୍ରୀ ପ୍ରିୟା ପ୍ରକାଶ । ତାଙ୍କର ସେହି ୨୬ ସେକେଣ୍ଡର ଭିଡିଓ ତାଙ୍କୁ ଦେଶରେ ଏବଂ ଦେଶ ତଥା ଦେଶ ବାହାରେ ନ୍ୟାସ୍ନାଲ କ୍ରସ୍ର ନାଁ ନେଇଥିଲା । ଏତେ ଲୋକପ୍ରିୟତା ପରେ ତାଙ୍କୁ ସିମ୍ବା ଫିଲ୍ମ ଅଫର କରାଯାଇଥିବା ଖବର ମିଳିଥିଲା । କିନ୍ତୁ ପରେ ଏହାକୁ ସାରା ହାତେଇ ନେଇଥିଲେ । ଏବେ ସେ ଶ୍ରୀଦେବୀ ବଙ୍ଗ୍ଲୋ ନାମକ ଏକ ଫିଲ୍ମରୁ ସେ ବଲିଉଡ୍ର ଏଣ୍ଟ୍ରୀ କରିବାକୁ ଯାଉଥିବା ଜଣା ପଡ଼ିଛି । କିନ୍ତୁ ଫିଲ୍ମର ଟ୍ରେଲର ରିଲିଜ୍ ହେବା ପରଠାରୁ ଫିଲ୍ମକୁ ବିରୋଧ କରିଛନ୍ତି ଦିବଂଗତ ଶ୍ରୀଦେବୀଙ୍କ ସ୍ୱାମୀ ବୋନି କପୁର । ଫିଲ୍ମ ପ୍ରିୟାଙ୍କ ନାଁ ଶ୍ରୀଦେବୀ ହୋଇଥିବା ବେଳେ ସେ କିପରି ନିଶା ନେଇ ଚିନ୍ତାଗ୍ରସ୍ତ ହେବା ସହ ଶେଷରେ ବାଥ୍ଟବ୍ରେ ପଡ଼ି ମୃତ୍ୟୁବରଣ କରୁଛନ୍ତି, ତାହା ଟ୍ରେଲରେ ଦେଖିବାକୁ ମିଳିଛି ।
Sambad is now on WhatsApp
Join and get latest news updates delivered to you via WhatsApp
ବଲିଉଡ୍ ଅଭିନେତ୍ରୀ ଶ୍ରୀଦେବୀଙ୍କ ମଧ୍ୟ ଏହି ଭଳି ଭାବେ ବାଥ୍ଟବ୍ରେ ମୃତ୍ୟୁ ହୋଇଥିବା ବେଳେ ଫିଲ୍ମ ଦର୍ଶକଙ୍କୁ ଭୁଲ ସୂଚନା ଦେବ ବୋଲି କହି ବୋନି କପୁର ଫିଲ୍ମକୁ ନେଇ ଆପତ୍ତି କରିଛନ୍ତି । ଏ ନେଇ ସେ ଫିଲ୍ମ ନିର୍ମାତାଙ୍କୁ ଲିଗାଲ ନୋଟିସ୍ ପଠାଇଥିବା ଜଣା ପଡ଼ିଛି । ବୋନି କୌଣସି ପ୍ରକାରର ତର୍କ କରିବାକୁ ଚାହୁଁ ନଥିବା ବେଳେ ଏପରି କଲେ ଫିଲ୍ମଟି ଅଧିକ ଚର୍ଚ୍ଚାକୁ ଆସିବ ବୋଲି ସେ କହିଛନ୍ତି । ମିଡିଆରେ କୌଣସି ବିତର୍କ ନ କରି ସେ ଆଇନର ସହାୟତାରେ ଏହି ପ୍ରୋଜେକ୍ଟକୁ ବନ୍ଦ କରିବାକୁ ଚାହୁଁଥିବା ଜଣା ପଡ଼ିଛି ।