ପ୍ରିୟା ପ୍ରକାଶଙ୍କ ନୂଆ ଲୁକ୍ : ମହିଳା ପୋଷାକ ବ୍ରାଣ୍ଡ ପାଇଁ କଲେ ଫଟୋସୁଟ୍
ମୁମ୍ବାଇ : ପ୍ରଥମ ଫିଲ୍ମର ୨୬ ସେକେଣ୍ଡର ଭିଡ଼ିଓ ଭାଇରାଲ ହେବା ପରେ ରାତାରାତି ପ୍ରସିଦ୍ଧ ହୋଇଥିବା ଅଭିନେତ୍ରୀ ପ୍ରିୟା ପ୍ରକାଶଙ୍କୁ ନେଇ ଚର୍ଚ୍ଚା ଥମୁ ନାହିଁ । କେବେ ତାଙ୍କୁ ଫିଲ୍ମର ଗୀତକୁ ନେଇ ତ କେବେ ତାଙ୍କର ବ୍ୟକ୍ତଗତ ଜୀବନକୁ ନେଇ ସେ ଏବେ ସବୁବେଳେ ଚର୍ଚ୍ଚାରେ । ଏବେ ପୁଣି ତାଙ୍କର ଏକ ଫଟୋ ସୋସିଆଲ ମିଡ଼ିଆରେ ଭାଇରାଲ ହୋଇଛି । ଏକ ମହିଳା ପୋଷାକ ବ୍ରାଣ୍ଡ ପାଇଁ ସେ ଫଟୋସୁଟ୍ କରିଥିବା ବେଳେ ସୁଟ୍ର ଏକ ଫଟୋ ସେ ନିଜ ଇନ୍ଷ୍ଟାଗ୍ରାମ ଆକାଉଣ୍ଟରେ ଅପ୍ଲୋଡ଼ କରିଛନ୍ତି ।
ଏହି ଫଟୋ ଅପ୍ଲୋଡ଼ ହେବା ପରେ ପ୍ରିୟାଙ୍କ ନୂଆ ଲୁକ୍କୁ ତାଙ୍କ ପ୍ରଶଂସକମାନେ ଖୁବ୍ ପସନ୍ଦ କରିଥିବା ଦେଖିବାକୁ ମିଳିଛି । ଏହି ଫଟୋସୁଟ୍ ପାଇଁ ସେ ସୈଫିନାଙ୍କୁ ଧନ୍ୟବାଦ୍ ଜଣାଇବା ସହ ଫଟୋଗ୍ରାଫର ଅନଜ ଜଫରଙ୍କୁ ଧନ୍ୟବାଦ୍ ଜଣାଇଛନ୍ତି ପ୍ରିୟା । ଏହି ଫଟୋରେ ସେ ଏକ ପିଙ୍କ୍ ଗାଉନରେ ନଜର ଆସୁଥିବା ବେଳେ ତାଙ୍କର ଏହି ନୂଆ ଲୁକ୍କୁ ଦର୍ଶକଙ୍କ ଢ଼େର ଭଲ ପାଇବା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମତାବକ, ଭାଲେଣ୍ଟାଇନ୍ ଗର୍ଲ ବା ନ୍ୟାସନାଲ କ୍ରସ ଭାବେ ଜଣାଯାଉଥିବା ପ୍ରିୟା ପ୍ରକାଶଙ୍କୁ ସଫଳତା ଆଣି ଦେଇଥିଲା ତାଙ୍କର ପ୍ରଥମ ମଲୟାଲମ ଫିଲ୍ମ ‘ଓରୁ ଅଦାର ଲଭ୍’ର ଗୀତ । ଏହି ଗୀତର କିଛି ଅଂଶ ସୋସିଆଲ ମିଡ଼ିଆରେ ଭାଇରାଲ ହେବା ପରେ ପୂରା ଦେଶ ତାଙ୍କର ଦିଓ୍ଵାନା ବନି ଯାଇଥିଲା । ବିଭିନ୍ନ ଫିଲ୍ମ ଇଣ୍ଡଷ୍ଟ୍ରିରୁ ତାଙ୍କୁ ଅଫର ମିଳୁଥିବା ବେଳେ ‘ଓରୁ ଅଦାର ଲଭ’୍ରେ ଥିବା ତାଙ୍କ ଚରିତ୍ରର ସମୟକୁ ବଢ଼ାଇ ଦିଆଯାଇଛି ବୋଲି ଜଣା ପଡ଼ିଛି ।