‘ସିମ୍ବା’ରେ ରଣବୀର ସିଂଙ୍କ ବିପକ୍ଷରେ ନଜର ଆସିବେ ପ୍ରିୟା ପ୍ରକାଶ
ମୁମ୍ବାଇ : ମାଲୟାଲମ୍ ଅଭିନେତ୍ରୀ ପ୍ରିୟା ପ୍ରକାଶ, ଯାହାଙ୍କ ଆଖି ମରାକୁ ନେଇ ପୂରା ଦେଶ ପାଗଳ ହୋଇଯିବା ସହ ସେ ରାତାରାତି ଷ୍ଟାର ବନି ଯାଇଥିଲେ । ଏତେ ଶୀଘ୍ର ଷ୍ଟାରଡ଼ମ୍ ଏବଂ ଲୋକମାନଙ୍କ ଭଲ ପାଇବା ହାସଲ କରିବା ପରେ ସେତେବେଳେ ତାଙ୍କର ବଲିଉଡ଼ରେ ଏଣ୍ଟ୍ରିକୁ ନେଇ ଅନେକ କଥା ଉଠି ଥିଲା । ଅନେକ ବଲିଉଡ୍ ନିର୍ଦ୍ଦେଶକ ଏବଂ ପ୍ରଯୋଜକ ତାଙ୍କୁ ନିଜ ଫିଲ୍ମରେ ହିରୋଇନ୍ କରିବେ ବୋଲି ପ୍ରସ୍ତାବ ଦେଇଥିଲେ ବୋଲି ମଧ୍ୟ ଖବର ଆସିଥିଲା ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ ଏବେ ଯଦି ମିଳିଥିବା ଖବରକୁ ବିଶ୍ୱାସ କରାଯାଏ ତେବେ କରନ ଜୋହରଙ୍କ ପ୍ରଯୋଜିତ ଫିଲ୍ମ ‘ସିମ୍ବା’ ଜରିଆରେ ସେ ବଲିଉଡ଼ରେ ଏଣ୍ଟ୍ରି କରିବେ ବୋଲି ଜଣା ପଡ଼ିଛି । ପ୍ରିୟାଙ୍କ ଲୋକପ୍ରିୟତା ପରେ ଫିଲ୍ମର ନିର୍ଦ୍ଦେଶକ ରୋହିତ୍ ସେଟ୍ଟୀ ତାଙ୍କୁ ମୁଖ୍ୟ ଅଭିନେତ୍ରୀ ଭାବେ ସୁଯୋଗ ଦେବାକୁ ଚାହୁଁଛନ୍ତି ବୋଲି ଜଣା ପଡ଼ିଥିବା ବେଳେ ଏଥିରେ ପ୍ରିୟାଙ୍କ ଚରିତ୍ର ଖୁବ୍ କମ ସମୟ ପାଇଁ ରହିବ ବୋଲି ଜଣାପଡ଼ିଛି । ପ୍ରିୟାଙ୍କ ଲୋକପ୍ରିୟତାକୁ ଚାହିଁ କରନ ତାଙ୍କୁ ବଲିଉଡ଼ରେ ସୁଯୋଗ ଦେବାକୁ ଚାହୁଁଛନ୍ତି ବୋଲି ଶୁଣିବାକୁ ମିଳୁଛି । ଯଦି ଏହି ଖବରରେ କୌଣସି ସତ୍ୟତା ରହିଥାଏ ତେବେ ପ୍ରିୟାଙ୍କ ପ୍ରଶଂସକ ଏହା ଶୁଣିବା ପରେ ଖୁସି ହେବେ ନିଶ୍ଚୟ ।
ଏହି ଫିଲ୍ମଟି ଜେଆର୍ ଏନ୍ଟିଆର୍ଙ୍କର ତେଲୁଗୁ ଫିଲ୍ମ ‘ଟେମ୍ପର’ର ରିମେକ୍ ହୋଇଥିବା ବେଳେ ରଣବୀର ଜଣେ ଇନ୍ସ୍ପେକ୍ଟର ସଂଗ୍ରାମ ଭଲେରାଓ ଭୂମିକାରେ ଆସୁଥିବା ଜଣା ପଡ଼ିଛି ।