ପ୍ରିୟଙ୍କାଙ୍କ ବିବାହ ପରେ ନିର୍ବନ୍ଧ କଲେ ଭାଇ ସିଦ୍ଧାର୍ଥ, ସ୍ୱାମୀ ନିକ୍ଙ୍କ ସହ ଦିଲ୍ଲୀରେ ପହଞ୍ଚିଲେ ପ୍ରିୟଙ୍କା
ନୂଆଦିଲ୍ଲୀ : ବଲିଉଡ ଅଭିନେତ୍ରୀ ପ୍ରିୟଙ୍କା ଚୋପ୍ରା ନିଜ ପ୍ରେମିକ ନିକ୍ ଜୋନ୍ସଙ୍କ ସହ ଗତ ବର୍ଷ ବିବାହ କରିଥିଲେ । ଯୋଧପୁରରେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିବା ବେଳେ ଆମେରିକା ଫେରି ଯାଇଥିଲେ । ଏବେ ବିବାହର ୩ ମାସ ପରେ ପ୍ରିୟଙ୍କା ପୁଣି ଦିଲ୍ଲୀ ଫେରିଛନ୍ତି । ପ୍ରଥମେ ତାଙ୍କର ଦିଲ୍ଲୀ ଫେରିବାର କାରଣ ଜଣା ପଡ଼ି ନ ଥିବା ବେଳେ ପରେ ସେ ଭାଇ ସିଦ୍ଧାର୍ଥଙ୍କ ନିର୍ବନ୍ଧ ପାଇଁ ଆସିଥିବା ଜଣା ପଡ଼ିଥିଲା ।
Sambad is now on WhatsApp
Join and get latest news updates delivered to you via WhatsApp
ନିଜ ଭାଇ ସିଦ୍ଧାର୍ଥ ଏବଂ ତାଙ୍କ ଭାବିପତ୍ନୀଙ୍କ ଫଟୋ ଇନ୍ଷ୍ଟାରେ ସେୟାର କରି ପ୍ରିୟଙ୍କା ତାଙ୍କୁ ନିର୍ବନ୍ଧ ପାଇଁ ଶୁଭେଚ୍ଛା ଜଣାଇଥିଲେ । ଯାହା ପରେ ଖବରଟି ସାମ୍ନାକୁ ଆସିଥିଲା । ଫଟୋ ସେୟାର କରି, “ତୁମ ପାଇଁ ଗର୍ବିତ । ଇଶିତା ଆମ ପରିବାରକୁ ସ୍ୱାଗତ । ତୁମେ ଦୁହେଁ ସାଥୀରେ ବହୁତ ସୁନ୍ଦର ଲାଗୁଛ । ରୋକାର ଶୁଭେଚ୍ଛା” ବୋଲି ଲେଖିଥିଲେ ପ୍ରିୟଙ୍କା, ଯାହା ପରେ ଖବରଟି ସାମ୍ନାକୁ ଆସିଥିଲା ।