ଭାରତର ଏହି ସ୍ଥାନକୁ ଚାହିଁ ବି ଯାଇ ପାରିବେ ନାହିଁ ନିକ୍ ଜୋନ୍ସ, କାରଣ ଜାଣି ଚିନ୍ତାରେ ପ୍ରିୟଙ୍କା
ମୁମ୍ବାଇ : ବିବାହ ପରେ ନିକ୍ୟାଙ୍କା ପରସ୍ପର ସହ ସମୟ କଟାଇବା ଆରମ୍ଭ କରିଥିଲେ । ନୂଆ ବର୍ଷକୁ ସୁଇଜରଲାଣ୍ଡରେ ନିଜ ପରିବାର ଲୋକଙ୍କ ସହ ପାଳନ କରି ଅନେକ ଫଟୋ ସେୟାର କରିଥିଲେ ପ୍ରିୟଙ୍କା, ଯାହା ଭାଇରାଲ ହୋଇଥିଲା । ଏବେ ପ୍ରିୟଙ୍କା ଆମେରିକାରେ ଥିବା ବେଳେ ଖୁବ୍ ଶୀଘ୍ର ସେ ନିଜର ଫିଲ୍ମ ‘ଦ ସ୍କାଏ ଇଜ୍ ପିଙ୍କ’ର ସୁଟିଂ ପାଇଁ ଭାରତ ଫେରିବେ ବୋଲି ଜଣାପଡ଼ିଛି । ଫିଲ୍ମର ସୁଟିଂ ଆଣ୍ଡାମାନ ନିକୋବରରେ ହେବାକୁ ଥିବା ବେଳେ ପ୍ରିୟଙ୍କାଙ୍କୁ ଭିସା ମିଳିସାରିଛି । ତେବେ ଫିଲ୍ମର ସୁଟିଂ ସମୟରେ ନିକ୍ ମଧ୍ୟ ପ୍ରିୟଙ୍କାଙ୍କ ସହ ରହିବାକୁ ଚାହୁଁଥିବା ବେଳେ ଚାହିଁ ବି ସେ ଆଣ୍ଡାମାନ ଯାଇ ପାରିବେ ନାହିଁ ବୋଲି ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଫିଲ୍ମ ସୁଟିଂ ଆଣ୍ଡାମାନର ଯେଉଁ ସ୍ଥାନରେ ହେବାକୁ ଯୋଜନା କରାଯାଉଛି ତାହା ପ୍ରତିବନ୍ଧିତ ଅଞ୍ଚଳ ହୋଇଥିବା ସହ ସେଠାକୁ ବିଦେଶୀମାନଙ୍କ ଆଗମନକୁ ବନ୍ଦ କରି ଦିଆଯାଇଛି । ଗତ ବର୍ଷ ଆଣ୍ଡାମାନର ବାସିନ୍ଦା ସୁଟିଂ ହେବାକୁ ଥିବା ସ୍ଥାନରେ ଜଣେ ଆମେରିକୀୟ ଯୁବକଙ୍କୁ ହତ୍ୟା କରିଥିଲେ । ଯାହାର ସମାଧାନ ଏ ପର୍ଯ୍ୟନ୍ତ ହୋଇ ପାରି ନାହିଁ । ଥରେ ଏଭଳି ଘଟଣା ଘଟିବା ପରେ ସେଠାକୁ ବିଦେଶୀ ଯୁବକମାନଙ୍କୁ ଯିବା ପାଇଁ ମନା କରି ଦିଆଯାଇଛି । ଏହି କାରଣ ପାଇଁ ନିକ୍ଙ୍କୁ ଆଣ୍ଡାମାନର ଭିସା ନ ମିଳିପାରେ ବୋଲି ଆଶଙ୍କା କରାଯାଉଛି ।