ଇନ୍ଷ୍ଟାରେ ଗୋଟେ ପୋଷ୍ଟ ପାଇଁ ୧.୮୭କୋଟି ଟଙ୍କା ନିଅନ୍ତି ପ୍ରିୟଙ୍କା ଚୋପ୍ରା, ଜାଣନ୍ତୁ କେତେ ନିଅନ୍ତି ବିରାଟ?
ନୂଆଦିଲ୍ଲୀ : ପ୍ରଥମେ ସୋସିଆଲ ମିଡିଆ ଏକ ଫଟୋ-ଭିଡିଓ ସେୟାର କରିବାର ପ୍ଲାଟଫର୍ମ ଥିବା ବେଳେ ଏବେ ତାହା ଟଙ୍କା ଆୟ କରିବାର ମାଧ୍ୟମ ପାଲଟିଛି । ବଡ଼ ବଡ଼ କମ୍ପାନୀ ସେଲିବ୍ରିଟିମାନଙ୍କୁ ଟଙ୍କା ଦେଇ ସେମାନଙ୍କ ଫଟୋ ସୋସିଆଲ ମିଡିଆରେ ସେୟାର କରିବାରେ ଲାଗିଛନ୍ତି । ତେବେ ସୋସିଆଲ ମିଡିଆ ଜରିଆରେ ସେଲିବ୍ରିଟିମାନେ କେତେ ଟଙ୍କା ଆୟ କରୁଥିବେ, ଏଥିରୁ ଆପଣ ଚିନ୍ତା କରି ପାରୁଥିବେ । ପ୍ରିୟଙ୍କା ଚୋପ୍ରାଙ୍କ କଥା କହିବାକୁ ଗଲେ, ସେ ଗୋଟେ ପୋଷ୍ଟ ପାଇଁ କମ୍ପାନୀ ପକ୍ଷରୁ ୧.୮୭କୋଟି ଟଙ୍କା ନେଇଥାନ୍ତି । ଏକ ଏଜେନ୍ସି ଜାରି କରିଥିବା ରିପୋର୍ଟରୁ ଏହା ସ୍ପଷ୍ଟ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କିଛି ଦିନ ତଳେ ବ୍ରିଟେନର ସୋସିଆଲ ମିଡିଆ ମ୍ୟାନେଜମେଣ୍ଟ କମ୍ପାନୀ ହୁପର ଏଚ୍କ୍ୟୁ ୨୦୧୯ର ଇନ୍ଷ୍ଟାଗ୍ରାମ୍ ଧନୀ ସୂଚୀ ଜାରି କରିଥିଲା । ଯେଉଁଥିରେ ପ୍ରିୟଙ୍କା ଚୋପ୍ରା ଓ ଭାରତୀୟ କ୍ରିକେଟ ଟିମ୍ର ଅଧିନାୟକ ବିରାଟ କୋହଲୀଙ୍କ ନାଁ ସାମିଲ ଥିଲା । ଏହି ସୂଚୀରେ ପ୍ରଥମ ନାଁ ମଡେଲ ଓ ବ୍ୟବସାୟ କରୁଥିବା କାଇଲି ଜେନରଙ୍କ ନାଁ ଥିବା ବେଳେ ପ୍ରିୟଙ୍କା ଇନ୍ଷ୍ଟାର ଗୋଟେ ପୋଷ୍ଟ ପାଇଁ ୧.୮୭କୋଟି ନିଅନ୍ତି ବୋଲି ଜଣା ପଡ଼ିଥିଲା । ବିରାଟ କୋହଲୀଙ୍କୁ ଦେଖିବାକୁ ଗଲେ ସେ ତାଙ୍କର ଗୋଟେ ପୋଷ୍ଟ ପାଇଁ ୧.୩୫କୋଟି ଟଙ୍କା ନେଇଥାନ୍ତି ।