ଏହି ପେସାରେ କାମ କରିବାକୁ ଡ଼ରୁଛନ୍ତି ପ୍ରିୟଙ୍କା !
ମୁମ୍ବାଇ : ବଲିଉଡ୍ର ଆଗଧାଡ଼ିର ନାୟିକାଙ୍କ ମଧ୍ୟରେ ଅନତ୍ୟମ ହେଉଛନ୍ତି ପ୍ରିୟଙ୍କା ଚୋପ୍ରା । ଅଭିନୟ ସହ ସେ ଫିଲ୍ମର ପ୍ରଯୋଜନା କରିବା ଓ ଗୀତ ମଧ୍ୟ ଗାଇ ସାରିଛନ୍ତି । ୨୦୦୩ରେ ରିଲିଜ୍ ହୋଇଥିବା ଫିଲ୍ମ ଦ ହିରୋ: ଲଭ୍ ଷ୍ଟୋରୀ ଅଫ୍ ଏ ସ୍ପାଏରୁ ବଲିଉଡ୍ରେ ଡେବ୍ୟୁ କରିଥିଲେ ପ୍ରିୟଙ୍କା । ଏହା ପରେ ସେ ବଲିଉଡ୍ର ଅନେକ ହିଟ୍ ଫିଲ୍ମରେ କାମ କରିଥିଲେ । ଅଭିନୟ ପରେ ପରେ ସେ ପ୍ରଯୋଜନା କରିବା ଆରମ୍ଭ କରିଥିଲେ । ଫିଲ୍ମ ଭେଣ୍ଟିଲିଟର, ପାହୁନା: ଦ ଲିଟିଲ ଭିଜିଟର୍ସ ଏବଂ ଦ ସ୍କାଏ ଇଜ୍ ପିଙ୍କ୍ରେ ସେ ପ୍ରଯୋଜନା ଦାୟିତ୍ୱ ତୁଲାଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ତେବେ ନିର୍ଦ୍ଦେଶକ ବନିବାକୁ ନେଇ ତାଙ୍କୁ ପ୍ରଶ୍ନ କରାଯିବା ପରେ ସେ କହିଥିଲେ, ଏହି ପେସା ମୋ ମନରେ ଡ଼ର ଆଣିଥାଏ । କାରଣ ଏହି ପେସାରେ ଅନେକ ପ୍ରକାରର ଦାୟିତ୍ୱ ନେବାକୁ ପଡ଼ିଥାଏ । କିନ୍ତୁ ଯେଉଁଭଳି ଭାବରେ ମୁଁ ଅଭିନୟରୁ ପ୍ରଯୋଜନାକୁ ଆସିଥିଲି, ସେହିଭଳି ଭାବରେ ମୁଁ ନିର୍ଦ୍ଦେଶନାକୁ ମଧ୍ୟ ଦିନେ ନା ଦିନେ ଯିବି ବୋଲି କହିଥିଲେ ପ୍ରିୟଙ୍କା ।