ମୁମ୍ବାଇ : ବଲିଉଡର ଦେଶୀଗର୍ଲ ପ୍ରିୟଙ୍କା ଚୋପ୍ରା ବର୍ତ୍ତମାନ ହଲିଉଡରେ ଧୀରେ ଧୀରେ ନିଜର ଆସ୍ଥାନ ଜମାଇବାରେ ଲାଗିଛନ୍ତି । ତେବେ ପ୍ରିୟଙ୍କାଙ୍କୁ ହଲିଉଡ଼ରେ ଭୋଗିବାକୁ ପଡ଼ିଥିଲା ବର୍ଣ୍ଣବୈଷମ୍ୟମତାର ଶିକାର । ତାଙ୍କ ବର୍ଣ୍ଣ ପାଇଁ ତାଙ୍କୁ ଅନେକ ଚଳଚ୍ଚିତ୍ରକୁ ହାତଛଡ଼ା କରିବା ପାଇଁ ପଡ଼ିଥିଲା । ପ୍ରିୟଙ୍କା ନିଜେ ଏହା ବିଷୟରେ ନିକଟରେ ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି ।
ପ୍ରିୟଙ୍କା କହିଛନ୍ତି, ଗତ ବର୍ଷ ସେ ଏକ ଚଳଚ୍ଚିତ୍ରର ସୁଟିଂ ପାଇଁ ବାହାରେ ଥିଲେ । ଏହି ସମୟରେ ଜଣେ ଚଳଚ୍ଚିତ୍ର ଷ୍ଟୁଡ଼ିଓ ପରିଚାଳକ ଆସି ତାଙ୍କ ମ୍ୟାନେଜରଙ୍କ ସହିତ କଥା ହୋଇଥିଲେ । ସେ କହିଥିଲେ ପ୍ରିୟଙ୍କାଙ୍କୁ ଚଳଚ୍ଚିତ୍ର ନ ମିଳିବାର କାରଣ ହେଉଛି ତାଙ୍କର ରଙ୍ଗ। ଏହି କଥା ଶୁଣିବା ପରେ ପ୍ରିୟଙ୍କାକୁ ଯେତିକି ଆଶ୍ଚର୍ଯ୍ୟ ଲାଗିଥିଲା ସେତିକି ମନଦୁଃଖ ମଧ୍ୟ ହୋଇଥିଲା। ବର୍ତ୍ତମାନ ସମୟରେ ଚଳଚ୍ଚିତ୍ର ଜଗତରେ ରଙ୍ଗ ଭେଦଭାବ ଦେଖି ସେ ବହୁତ ଦୁଃଖି ହୋଇଥିଲେ । ପ୍ରିୟଙ୍କାଙ୍କୁ ଚଳଚ୍ଚିତ୍ରରେ ଅଭିନୟ କରିଥିବା ଅନ୍ୟ କଳାକରଙ୍କ ଅପେକ୍ଷା ବହୁତ କମ ପାରିଶ୍ରମିକ ମିଳିଥିଲା । ହଲିଉଡରେ ମଧ୍ୟ ଅଭିନେତା ମାନଙ୍କୁ ଅଧିକ ପାରିଶ୍ରମିକ ମିଳୁଥିବା ବେଳେ ଅଭିନେତ୍ରୀମାନଙ୍କୁ ଅପେକ୍ଷାକୃତ କମ ପାରିଶ୍ରମିକ ମିଳିଥାଏ ।
Sambad is now on WhatsApp
Join and get latest news updates delivered to you via WhatsApp
ପ୍ରିୟଙ୍କା ଶେଷକୁ କହିଛନ୍ତି ବର୍ତ୍ତମାନ ମଧ୍ୟ ଚଳଚ୍ଚିତ୍ର ଜଗତରେ ଅନେକ ପ୍ରକାରର ପରିବର୍ତ୍ତନର ଆବଶ୍ୟକତା ରିହିଛିି। ତେବେ କେବଳ ପ୍ରିୟଙ୍କା ନୁହଁନ୍ତି ଏହା ପୂର୍ବରୁ ହଲିଉଡ଼ ଫେରନ୍ତା ଶିଳ୍ପା ସେଟ୍ଟି ମଧ୍ୟ ଏହି ବିଷୟ ମଧ୍ୟରେ ମିଡ଼ିଆରେ ସୂଚନା ଦେଇଛନ୍ତି ।