ବିବାହ ପରେ ପ୍ରଥମ ଥର ପାଇଁ ଭାବବିହ୍ଵଳ ହେଲେ ପ୍ରିୟଙ୍କା,ଭିଡିଓ ସେୟାର କରି ମାଗିଲେ ସାହାଯ୍ୟ
ମୁମ୍ବାଇ : ଆମେରିକାନ କଣ୍ଠଶିଳ୍ପୀ ତଥା ପ୍ରେମିକ ନିକ୍ ଜୋନ୍ସଙ୍କ ବିବାହ କରି ଚର୍ଚ୍ଚାରେ ରହିଥିଲେ ବଲିଉଡ୍ର ଦେଶୀ ଗର୍ଲ ପ୍ରିୟଙ୍କା ଚୋପ୍ରା । ଦୁହିଁଙ୍କ ପ୍ରେମ କାହାଣୀ ଚର୍ଚ୍ଚାରେ ରହିଥିବା ବେଳେ ଦୁହେଁ ଖୁବ୍ ଧୁମ୍ ଧାମ୍ରେ ବିବାହ କରିଥିଲେ । ବିବାହ ପରେ ହନିମୁନ୍ରେ ଯିବା ସହ ଏବେ ନିଜ ନିଜ କାମକୁ ଫେରିଛନ୍ତି ନିକ୍ୟାଙ୍କା । ବିବାହ ପରେ ପ୍ରିୟଙ୍କାଙ୍କୁ ନେଇ ଚର୍ଚ୍ଚା ଥମି ଆସୁଥିବା ବେଳେ ଏବେ ସେ ସେୟାର କରିଥିବା ଭିଡ଼ିଓକୁ ନେଇ ଚର୍ଚ୍ଚା ଆରମ୍ଭ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଭିଡ଼ିଓରେ, “ଏବେ ସବୁ ସ୍ଥାନରେ ୧୦ବର୍ଷର ଚ୍ୟାଲେଞ୍ଜ ଚାଲିଛି । ଯେଉଁଠି ଲୋକମାନେ ନିଜ ୧୦ବର୍ଷର ଫଟୋ ସହ ଏବେର ଫଟୋ ଯୋଡ଼ି ଛାଡ଼ୁଛନ୍ତି । ମୁଁ ବି ଏ ସବୁ ପୋଷ୍ଟ ଦେଖି ମୋର ୧୦ବର୍ଷର ଯାତ୍ରା ବିଷୟରେ ଭାବିଲି । ଏହି ୧୦ବର୍ଷ ମଧ୍ୟରେ ପୋଷାକ ପରିଧାନ କରିବାର ଶୈଳୀଠାରୁ ଆରମ୍ଭ କରି ବିବାହ କରିବା ପର୍ଯ୍ୟନ୍ତ,ସବୁ କିଛି ବଦଳିଛି । କିଛି ନୂଆ ଲୋକ ଆସିଛନ୍ତି ଏବଂ ଯାଇଛନ୍ତି । ଜୀବନକୁ ଦେଖିବାର ଶୈଳୀ ବଦଳିଛି । ମୋ ମନରେ ସବୁ ଅନ୍ୟମାନଙ୍କ ବିଷୟରେ ଜାଣିବାର ଇଚ୍ଛା ରହିଥାଏ । ସେମାନେ ମୋତେ ବହୁତ କିଛି ଶିଖାଇଥାନ୍ତି । ସମସ୍ତଙ୍କଠାରୁ କିଛି କିଛି ଶିଖି ମୁଁ ଆଜି ଏଠାରେ ପହଞ୍ଚିଛି । ଏବେ ମୁଁ ଭାବୁଛି ଏକ ଯାତ୍ରରେ ବାହାରିବି,ଯେଉଁ ମୁଁ କିଛି ବଡ଼ ଏବଂ ଅସାଧାରଣ ଲୋକଙ୍କ ସହ ଦେଖା କରି ପାରିବି । ସେମାନଙ୍କୁ ଭେଟିବା ପରେ ମୁଁ ବହୁତ କିଛି ଶିଖି ପାରିବି । ମୋର ଏହି ଯାତ୍ରାରେ ଆପଣମାନେ ମୋତେ ସାହାଯ୍ୟ କରନ୍ତୁ”ବୋଲି ପ୍ରିୟଙ୍କା କହିଛନ୍ତି ।
ସୂଚନା ମୁତାବକ,ପ୍ରିୟଙ୍କା ଏହି ଭିଡିଓ ପୋଷ୍ଟ କରି ୟୁଟ୍ୟୁବ୍ରେ ଆସିବାକୁ ଥିବା ନିଜର ସ୍ପେଶାଲ ସୋ’ “If I Could Tell You Just One Thing” ପାଇଁ ନିଜ ପ୍ରଶଂସକମାନେଙ୍କୁ ପ୍ରଶ୍ନ ପଠାଇ ତାଙ୍କୁ ସାହାଯ୍ୟ କରିବା ପାଇଁ କହିଛନ୍ତି । ପ୍ରଶଂସକମାନେ ପଠାଇଥିବା ପ୍ରଶ୍ନ ଗୁଡ଼ିକ ସୋ’କୁ ଆସିଥିବା ଅତିଥିମାନଙ୍କୁ ପଚରାଯିବ ବୋଲି ଜଣା ପଡ଼ିଛି ।