'ଥଲଇବି'ର ଟିଜର ପ୍ରତି ବଢୁଛି ଦର୍ଶକଙ୍କ ଆଗ୍ରହ

ମୁମ୍ବାଇ: ରାଜନେତ୍ରୀ ହେବେ ବଲିଉଡ କୁଇନ । ପରଦାରେ ଉଭୟ ନାୟିକା ଓ ନେତ୍ରୀ ରୋଲରେ ନଜର ଆସିବେ କଙ୍ଗନା ରୋନଟ । ପ୍ରତିଥର ପରି ଏଥରକ ମଧ୍ୟ ନୂଆ ତଥା ଚ୍ୟାଲେଞ୍ଜିଂ ରୋଲ ସହ ପରଦାରେ ସେ କରିବେ କମାଲ । ଆଗକୁ ଆସୁଛି ବାୟୋପିକ ଫିଲ୍ମ ଥଲଇବି । ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ତଥା ଦକ୍ଷିଣଭାରତର ଜଣାଶୁଣା ଲୋକପ୍ରିୟ ଅଭିନେତ୍ରୀ ଦିଂବଗତ ଜୟଲଳୀତାଙ୍କ ଜୀବନୀକୁ ନେଇ ନିର୍ମାଣ ହେଉଛି ବଲିଉଡ ବାୟୋପିକ ସିନେମା ଥଲଇବି । ଦୁଇ ଦିନ ତଳେ ଆସିଛି ଥଲଇବିର ପ୍ରଥମ ଟିଜର ।

ଯେଉଁଥିରେ କଙ୍ଗନାଙ୍କ ଅଭିନୟ କମାଲ ଦେଖିବାକୁ ମିଳିଛି । ଟିଜର ପ୍ରଥମରେ ଡ୍ୟାନ୍ସ କରୁଥିବା ନଜର ଆସିବା ସହ ପରେ ଜୟଲଳିତାଙ୍କ ସେହି ଟ୍ରେଡମାର୍କ ଷ୍ଟାଇଲରେ ନଜର ଆସିଛନ୍ତି କଙ୍ଗନା । ସବୁଜ ରଙ୍ଗର ଶାଢ଼ୀ ସହ ଭିକ୍ଟରୀ ସାଇନ ଓ ଷ୍ଟେଜ ଉପରେ ଜୟଲଳିତାଙ୍କ ଠାଣିକୁ ନକଲ କରି କଙ୍ଗନା ଏବେ ପ୍ରଂଶସା ସାଉଁଟିଛନ୍ତି ।

ଏହି ଟିଜରଟିକୁ ଏବେ ପର୍ଯ୍ୟନ୍ତ ୫୨ ଲକ୍ଷ ଥର ଦେଖାସରିଲାଣି | ଯାହାକୁ ନେଇ ପ୍ରଯୋଜନା ସଂସ୍ଥା ମଧ୍ୟ ଉତ୍ସାହିତ ହୋଇପଡିଛି | ହିନ୍ଦୀ,ତାମିଲ ଓ ତେଲୁଗୁ ଭାଷାରେ ରିଲିଜ ହେବ ଥଲଇବି । କଙ୍ଗନାଙ୍କ ସହ ସାଉଥଷ୍ଟାର ଅରବିିନ୍ଦ ସ୍ୱାମୀଙ୍କ ଅଭିନୟ ରହିଛି । ଯିଏକି ଦିଂବଗତ ନେତା ଏମଜିଆର ଭୂମିକାରେ ନଜର ଆସିବେ । ସେହିପରି ପ୍ରକାଶ ରାଜ ଦିବଂଗତ ନେତା କରୁଣାନିଧିଙ୍କ ଚରିତ୍ରରେ ଅଭିନୟ କରୁଛନ୍ତି । ଆସନ୍ତାବର୍ଷ ଜୁନ ମାସରେ ରିଲିଜ ହେବ ଥଲଇବି ।