‘ପୁଷ୍ପା ଦ ରାଇଜର’ର ଷ୍ଟାର ଅଲ୍ଲୁ ଅର୍ଜୁନ୍ଙ୍କ ଏହି ସିନେମାକୁ ମାଗଣାରେ ଦେଖି ପାରିବେ ଦର୍ଶକ
ନୂଆଦିଲ୍ଳୀ : ‘ପୁଷ୍ପା ଦ ରାଇଜର’ର ହିନ୍ଦୀ ଡବିଂ ଦର୍ଶକଙ୍କୁ ଖୁବ୍ ପସନ୍ଦ ଆସିଥିଲା । ସିନେମାରେ ଅଲ୍ଲୁ ଅର୍ଜୁନ୍ଙ୍କ ସଂଳାପ , ଗୀତ ଓ ନୃତ୍ୟକୁ ଦର୍ଶକ ବେଶ ପସନ୍ଦ କରିଥିବା ସହିତ ସୋସିଆଲ ମିଡିଆରେ ବି ଟ୍ରେଣ୍ଡ ଚାଲିଛି ।
Sambad is now on WhatsApp
Join and get latest news updates delivered to you via WhatsApp
ଏହାରି ମଧ୍ୟରେ ଅଲ୍ଲୁ ଅର୍ଜୁନ୍ଙ୍କ ସିନେମା ‘ଅଲ୍ଲା ବୈକୁଣ୍ଠପୁରମଲୁ’ର ହିନ୍ଦୀରେ ରିଲିଜ୍ କରିବାର ପ୍ରସ୍ତୁତି ହୋଇ ସାରିଛି । ତେବେ ଘୋଷଣା ହୋଇଥିଲା କି ଏହି ସିନେମା ପ୍ରେକ୍ଷାଳୟରେ ରିଲିଜ ହେବ ନାହିଁ। ଯାହାକୁ ନେଇ ଦର୍ଶକ ଅସନ୍ତୋଷ ବ୍ୟକ୍ତ କରିଥିଲେ। ଏହାରି ଭିତରେ ଖବର ଆସିଛି କି ଏହି ସିନେମାକୁ ଦର୍ଶକ ଖୁବ ଶୀଘ୍ର ଘରେ ବସି ଟିଭିରେ ମାଗଣାରେ ଦେଖି ପାରିବେ ।
#AlaVaikunthapurramuloo (Hindi) will not open in cinemas. However to honour fans, we are excited to announce the release of this highly anticipated film on DHINCHAAK TV, India’s leading movie channel, A Goldmines venture, on February 6th. pic.twitter.com/YO6sjeMfGG
— Goldmines Telefilms (@GTelefilms) January 22, 2022
ଗୋଲ୍ଡମାଇନ୍ସ ଟେଲିଫିଲ୍ମସ୍ ଏକ ଟ୍ବିଟ୍ ସେୟାର କରିଛି । ଏହି ଟୁଇଟରେ ‘ଅଲ୍ଲା ବୈକୁଣ୍ଠପୁରମଲୋ’ର ଅପଡେଟ୍ ରହିଛି। ଟ୍ବିଟରେ ଲେଖା ହୋଇଛି ‘ଅଲ୍ଲା ବୈକୁଣ୍ଠପୁରମଲୋ’ (ହିନ୍ଦୀ) ଥିଏଟରରେ ରିଲିଜ୍ ହେବ ନାହିଁ । କିନ୍ତୁ ସମସ୍ତ ଦର୍ଶକଙ୍କର ଭଲ ପାଇବାକୁ ଦୃଷ୍ଟିରେ ରଖି ସିନେମାକୁ ୬ ଫେବ୍ରୁଆରିରେ ‘ଢିଙ୍କଚକ୍ ଟିଭି’ରେ ରିଲିଜ୍ କରାଯିବ । ଏହି ଟୁଇଟ ସାମ୍ନାକୁ ଆସିବା ପରେ ଅଲ୍ଲୁଅର୍ଜୁନଙ୍କ ଫ୍ୟାନଙ୍କ ମଧ୍ୟରେ ସିନେମା ଦେଖିବାକୁ ଉତ୍ସାହ ବଢ଼ି ଯାଇଛି।