ମୁମ୍ବାଇ: ଫିଲ୍ମ 'ପୁଷ୍ପା: ଦି ରାଇଜ୍' ମାଧ୍ୟମରେ ସାଉଥ ଅଭିନେତା ଅଲୁ ଅର୍ଜୁନ ପୁରା ଦେଶରେ ଚର୍ଚ୍ଚିତ ହୋଇଯାଇଛନ୍ତି | ଆଉ ଏବେ ସମସ୍ତେ 'ପୁଷ୍ପା-ଦି ରୁଲ'କୁ ଅପେକ୍ଷା କରିଛନ୍ତି | 'ପୁଷ୍ପା'ର ପ୍ରଥମ ଭାଗ ୨୦୨୧ ବର୍ଷ ଶେଷରେ ମୁକ୍ତିଲାଭ କରିଥିଲା ​​ଏବଂ ସେହି ଦିନଠାରୁ ଏହି ଚଳଚ୍ଚିତ୍ରର ଦ୍ୱିତୀୟ ଭାଗ ସହ ଜଡିତ ଖବର ସାମ୍ନାକୁ ଆସିବାରେ ଲାଗିଛି | ଯେଉଁଥିରେ ଫିଲ୍ମର ଷ୍ଟାର କାଷ୍ଟ ସହ ବଜେଟ ବାବଦରେ ଅନେକ ସୂଚନା ଦିଆଯାଇଛି। କିନ୍ତୁ ବର୍ତ୍ତମାନ 'ପୁଷ୍ପା'ର ନିର୍ମାତା ୱାଇ. ରବି ଶଙ୍କର ଏହି ଫିଲ୍ମ ସହ ଜଡିତ ଏକ ବଡ ସୂଚନା ଦେଇଛନ୍ତି। ରିଲିଜ୍ ତାରିଖ ସହ ଫିଲ୍ମର ପ୍ରକୃତ ବଜେଟ୍ ବିଷୟରେ ପ୍ରଶଂସକଙ୍କୁ କହିଛନ୍ତି।

Advertisment

ରବି ଶଙ୍କର ଏକ ସାକ୍ଷାତକାରରେ କହିଛନ୍ତି ଯେ 'ପୁଷ୍ପା-ଦି ରୁଲ'ର ବଜେଟ୍ ୩୫୦ କୋଟି ଟଙ୍କାରୁ ଅଧିକ ହେବ। ସେ କହିଛନ୍ତି ଯେ ଉତ୍ତର ଭାରତରେ 'ପୁଷ୍ପା'ର ପ୍ରଥମ ଭାଗକୁ ସଠିକ୍ ଭାବରେ ପ୍ରଚାର କରିବାରେ ସକ୍ଷମ ହୋଇ ନ ଥିଲେ। ଆମେ ଜାଣି ନଥିଲୁ ଯେ ଫିଲ୍ମଟି ଏତେ ବଡ ହିଟ୍ ହେବ | ଏହା ବ୍ୟତୀତ 'ପୁଷ୍ପା ୨' ତିଆରି ପାଇଁ ପ୍ରାୟ ୫୦୦ କୋଟି ଟଙ୍କା ଆବଶ୍ୟକ ହେବ ବୋଲି ସେ କହିଛନ୍ତି। ଶଙ୍କର କହିଛନ୍ତି ଯେ ଅଲୁ ଅର୍ଜୁନଙ୍କ ଲୋକପ୍ରିୟତାକୁ ଦୃଷ୍ଟିରେ ରଖି ଏହି ଚଳଚ୍ଚିତ୍ରକୁ ୧୦ଟି ଭାଷାରେ ରିଲିଜ୍ କରିବାକୁ ଯୋଜନା କରାଯାଉଛି |

ସେହିପରି ଫିଲ୍ମଟି ତେଲୁଗୁ, ହିନ୍ଦୀ, ମାଲାୟାଲାମ, କନ୍ନଡ, ତାମିଲ, ବଙ୍ଗଳା, ମରାଠୀ, ଭୋଜପୁରୀ, ଓଡ଼ିଆ ଓ ନେପାଳୀ ଭାଷାରେ ଆସିପାରେ | ଏହା ବ୍ୟତୀତ ଏକ ରିପୋର୍ଟ ମଧ୍ୟ ସାମ୍ନାକୁ ଆସିଛି ଯେଉଁଥିରେ ଦର୍ଶାଯାଇଛି ଯେ ଏହି ଚଳଚ୍ଚିତ୍ର ୨୦୨୩ ସୁଦ୍ଧା ମୁକ୍ତିଲାଭ କରିବ |